发信人: gongwenjian(电版首席潜水员)
整理人: bbryan(2004-01-17 16:21:23), 站内信件
|
虽然cm03－04 down咗落来好耐，不过始终冇心机重燃战火。皆因家阵玩紧一款篮球经营类游戏。nba live 2004。该游戏源于实战类运动游戏，但今个季度首次引入王朝模式－－所谓王朝模式即係带领你嘅球队迈向NBA总冠军，戴上总冠军戒指。
游戏开始係季前训练营训练、帮球员收收身（哩样同cm差唔多，不过真实应该有得安排季前热身赛，游戏度冇哩样选项）。
跟住就係常规赛、日常训练（可以通过训练提高球员嘅数值）。但训练需要教练积分先可以执行（该积分可以通过赢取比赛同完成每场比赛入面特定嘅任务而获得，如抢几个栏板、得分、两双、三双甚至四双等等都可以获得相应积分）。该积分仲可以用来为球队请专门教练（3分教练、栏板教练、罚球教练、健身教练……）、医生、同埋帮球队买训练设施、买专用包机……等等。包括请教练在内所有哩啲都係只能维持一个赛季，每个赛季都要重新来过。积分用咗当然有用，请咗教练同更新设施可以更好提升球员能力值、请咗医生可以减少球员受伤、买咗包机可以提升客场嘅投篮命中率等等。游戏入面都有详尽说明，大家可以慢慢发掘。
打完常规赛就係季候赛，哩样同以往嘅season、playoff模式一样，冇乜特别。同样选出每季一大堆奖项……
球季结束后，新球季开始。先係一批老球员退役，跟住新人轮选权抽签（同真实一样，常规赛成绩越差排得越前）。接住係同自己嘅球员续约。跟住就係选新秀了，电脑会随机产生啲新人来，29支球队按抽签分别选两轮（哩样设计同真实一样，NBA2005可能就係30支球队了）。签完新人之后（如果你上季攞咗总冠军，今季选新秀都係啲箩底橙你当然可以跳过唔选）就係同啲自由身球员续约了，经常会执到啲好嘢！但係签自由身球员有啲能力值高嘅可能需要每支球队嘅积分先可以签（所谓球队积分係既定嘅，每支球队唔同，冇得增加。同球员解约会减除积分、签新球员同旧救员续约都要减除积分。哩个设计好失败，点解有减冇增？！虽然类似cm入面每年嘅转会班费，但係cm入面可以通过买卖球员同向董事会申请来增加球队嘅资金）。最后就係交换球员了，除咗交换球员之外当然包括可以交换下季新人轮选权（但我玩咗咁耐都未试过交换到弱队嘅新秀权，失望！）。
接住同上述一样了，季前训练营、常规赛……
比赛方面，当然可以通过自己操控球队，而且3D画面唔错。我比较喜欢通过安排战术来玩，虽然麻烦啲，安排完战术又要将控制权改翻俾CPU，但咁玩更接近经营策略类游戏。游戏入面嘅篮球战术都有好多，同cm有得挥。大家打开波都知了，我就唔详细介绍了。
总体来讲虽然几多缺点，但係EA首次推出哩类行游戏算係咁了。希望下季更进一步！ |
|