发信人: jccheng(发紧傻的白日梦)
整理人: gzcop(2003-09-08 14:04:01), 站内信件
|
看过本版好多篇讲差佬的文章。
发觉有好多朋友讲“体谅差佬的难处，话人工低，工作辛苦。”
但你地有无认真林林个中问题。
1）差佬人工低（指广州）：
呢个我打S都唔信。我认识唔少当差的（有高官，有一般的差佬），他们的人工我就唔想讲啦，但绝对唔会低，特别系呢几年。你如果想搵高人工，可以转工，无人揸只炮指住你话唔俾转工。所以你唔好呻话人工低。看下宜家呢个社会，有边份工有当差甘好人工同埋福利（只要唔犯大错，基本上系金饭碗）。如果唔系甘，掂会有甘多人去当差。大家看看每次差佬招人，都会有过万人去报名。仲有，如果话仲系无钱，就请你地买少的靓车、起少的靓楼（唔管系住宅或办公楼）
2）工作强度大：
呢个我亦唔系好认同。大把差佬可以系上班时间做好多私人嘢或其他。讲工作强度，大把工的工作强度大过你，大把人的工会得职业病，大把人的人工唔够你高，又唔见“你地”帮距地打抱不平。仲有差佬的工作态度、能力唔敢苟同
3）工作非常危险：
无可否认差佬的危险性系好大，但亦都好似我之前讲嘎，无人逼你去做，系你自己看住份工的人工、福利、（特权）先会去当差。你入得呢行，就一早知道呢行的特性。讲工作危险，好多工都会好危险，工种唔讲啦，估计大家都多多少少知道，但果地人的人工远比唔上差佬的人工、福利。一个大吉利事：钉佐，仲有政府去关心、照顾你的家人，可能会系长久的照顾（无论系金钱同埋以后的生活同工作）。但看返其他果地，钉佐，大不了俾几万，多的十几万就搞掂。
可能有差佬的亲人看完呢篇文章，会拍我砖头，闹我：“如果无呢地人，你会甘幸福地生活；当你有困难、有生命危险，会有人会舍生忘死去帮你、救你。”但你地唔好忘记，呢份工系你自己选择的（先撇开什么政治思想、政治认识。我唔信呢样嘢，无甘的吸引力，搵鬼去做啊）你兜得呢份人工，就要尽力去做好，你要知道，系普罗大众上缴的税，出粮俾你，个中意思就省略····但你要认识一个观念，公务员就系帮纳税人打工，帮纳税人排忧解难（全世界都系甘），就好似我地帮老板打工，老板出粮俾我地，我地就要帮老板工作，赚钱。俾老板闹，或工作觉得危险，唔中意就可以转工，但看人工份上，又可能会忍气吞声做落去。就等同你地一样，只不过我自己选择了呢份工作。
工作，就需要一份敬业的态度，选择佐，就好好做落去。
唔好整日系度呻，话市民唔理解你地、体谅你地。
但你地有无认真林林：市民掂解唔中意差佬，或者讨厌差佬。
我就试过：
我屋企人俾人抢嘢，去报警系爱理不理，肤浅了事；
系车上见过N次，有好多贼，试过有次系十几人，仲有人当众拿出两把铁锤系度威胁，打亲110电话报警，都左推右推，叫我转打警署电话求助；
有次晚上，系珠江救个自杀的女人。由落去果刻，朋友已经打通电话报警，但要半个钟后，先有差佬到场，而且仲唔系距地帮手，而系叫保安帮手拉我地上来。好似朋友后来去投诉中的一句：“生命在某些时候并不会因你而等待。”
就以上几件我亲身的事，掂样要我理解你、支持你。
写呢篇文章，系发泄下我对差佬的不满。
中意就顶下
唔中意，可以拍砖头，我顶得住
|
|