|
发信人: sam-chan(♂夜观澜♂) 整理人: bbryan(2003-09-14 21:44:54), 站内信件 |
| 啱啱今日见到有人提及三后卫以及四后卫嘅问题，好多人都承认CM4已经加强咗边路进攻。而我个人认为CM4呢个Game系随国际足坛大流去为个Game做Setting，因为而家有大多数（大概80％）嘅欧洲以及世界强队都使用较为稳健嘅4后卫防线。因为4后卫一方面比3后卫更加能稳固防守，另外，四后卫比三后卫打法更加趋向攻守平衡。
一般嘅3后卫打法都系3中卫平排站位，两翼防守截击由边前卫主要负责，中卫补位。对边前卫嘅要求比较高，近年欧洲以及世界对边前卫嘅使用上，考虑其进攻能力相对比以前加强，两翼不断向对方边路施加压力，就如以前嘅曼联嘅两翼起飞打法尤为其中表表者。所以，相对于以前，边路防守以及进攻嘅要求大大增加，出于进攻同防守嘅考虑，边路上有两个常驻球员（后卫以及前卫）相对比之前三后卫打法嘅一个常驻球员为稳健。 讲完一堆题外话，讲翻CM，以前CM3、CM0102里面，3-5-2嘅阵型相当流行，本人对CM3两个Game都好陌生，所以唔方便发表评论。不过我记得当年，主流嘅强队都尤为喜欢使用3-5-2或者3-4-1-2阵容，例如当年嘅英格兰国家队，AC米兰等等欧洲一流强队。 玩开CM4嘅朋友都知道，边路进攻响CM4得到大大加强。CM3以来的三后卫、大多数球员力拼中场，以求取得中场控制嘅打法已经力有不逮，所以好多人都向4后卫防守阵容回归。一方面设置边后卫更多前插连同前卫参与进攻，打出行云流水嘅边路突破，频频由两翼进攻。另一方面，由于边路有2人镇守，以及加强进攻向对方施加压力，导致防守时边路压力减少，攻守更加趋向平衡。所以4后卫已经成为CM主流，由4个人外加防守中场构成嘅防守体系比较稳健。同时亦是世界潮流所致。 综合以上所讲，4后卫将会比3后卫更加容易在CM4取得成功。当然3后卫打法亦不乏成功者，就如楼下那位仁兄。不过无论如何，CM4始终系一个相对自由嘅Game，当然乜嘢可能都会有。我系一个CM嘅爱好者，同时亦希望大家可以多多指教，有D乜嘢写得唔啱嘅地方唔该指正，多谢晒～～ （以上纯属个人见解） ---- 
QQ：1773977 MSN & E-Mail：[email protected] |
|
[关闭][返回] |