发信人: jasonchoi()
整理人: kendya(2000-12-06 00:18:48), 站内信件
|
就系讲番上个星期点解我哋要差啲打交啦，事由上个星期四，即系十一月最
后一日，我要送台打印机去中山，部打印机系要安装嘅，所以同埋供货商一齐去
啦，租车当然系供货商嘅任务，当日上午我从供货商公司度出发，对方啲人问我
点去法（其实我任务系带路嘅啫），我话从中山大道上华快，跟住行南沙上京珠
到三角镇出口就得啦，当部车行到五山科贸园嘅时候，部货车停喺度，我哋落咗
部客车就问乜回事啦，条货车司机话行高速要收多一百蚊路费，我哋当然唔系水
鱼啦，我一问货车收几多钱，佢哋话已经收咗五百五十蚊了，我一听就知道贵咗
啦，以前同样一车都系三百五十蚊啫。但系当时我冇出声啦，咁佢哋讲唔掂嘅时
候，话要缷番台机落嚟另外揾过部车，好彩当日有六七个大汉，咁先至好艰难咁
样抬番部机落车，跟住又要我带路去租车，咁我就近带咗佢哋去太平洋电脑城门
口租咗部货车，要价四百啫。咁跟住开车去番科贸园装货啦，去到时就见到条司
机CALL咗四五只马过嚟讲数。咁我谂佢哋讲数佢哋嘅事，我哋照装货啦，点知新
叫条司机唔敢装，话原来佢哋系同村嘅，不过唔同姓啫！所以唔敢乱咁嚟，咁我
冇嘢讲啦！过去听佢哋讲数，个司机话阻咗佢时间要收番八十蚊喎，供货商话唔
得，几个人嘈起上嚟，跟住啲人话如果唔畀钱监硬货嘅话就打烂啲货，供货商于
是就打电话报警。亚SIR过到嚟都话唔理呢啲嘢喎，最后供货商终于屈服畀咗八十
蚊然后上货去走人，就咁就阻咗我个几钟头！搞到当晚有电影票都冇时间去睇，
真系激气！
--
凡所有相皆是虛妄，如露亦如電，應作如是觀。
意思即謂，世間上的一切事物、景象均是假象，就如晨曦乍現的露珠及劃破天空的閃電，
都是過眼雲煙，毋須過於執著。
※ 来源:．月光软件站 http://www.moon-soft.com．[FROM: 202.104.47.149]
|
|
>>冇道德兼蠢到痹嘅司机！