发信人: jasonchoi()
整理人: cywx(2000-12-06 00:18:48), 站内信件
|
首先要讲明一句先，其实海洛英都系一种麻醉剂，可能止痛，其实对人都系
有益嘅！！
今日嘅广州日报响第二版用大篇幅讲到话要大力取缔电子游戏机室。并力数
电子游戏机嘅危害，讲到电子游戏好似系一个十恶不赦，杀人放火，人人得而诛
之嘅大魔头咁样。
老实讲，我都后生过（虽然依家未算老人家），我亦曾经都为电子游戏疯狂
过。但系讲到底，我系觉得电子游戏对于我哋嚟讲系一种有益嘅活动，并唔系好
似上述所讲到嘅咁恐怖，但系如果你话讲到要沉迷落去，就所有嘅活动都系一种
无益嘅嘢，包括沉迷于“三讲”，“两思”。至于点解，就费事讲，因为大家心
照。
对于我作为一个过来人嘅身份讲吓电子游戏呢样嘢啊！其实静心落嚟睇吓，
电子游戏本身系无任何好或者唔好嘅，佢本身系一种中性嘅产物。只不过可能会
有一啲人将佢不适当嘅去利用，而使佢蒙上一种假象，其实你去睇吓日本 嘅电
子游戏机中心多过中国几多，又唔见话人哋会因为玩电子游戏出现偷呃拐骗嘅事
！讲到底都系我哋啲所谓嘅职能部门嘅失职，佢哋订咗好多法规去规管呢啲嘢，
但系到执行嘅时候，因为 收咗人哋黑钱啊！懒等原因 ，使到有关法例成为一纸
空文。但系佢哋唔会话反醒一下自己有咩做得唔啱，反而以一个沷妇骂街嘅姿态
大数电子游戏嘅 不是，将自己嘅责任推到一样唔识自辩嘅死物身上！嚟掩饰自己
嘅错误 ，跟住教育部门又好似批判者咁 样企出嚟！一笃笃口水将佢浸死！其背
后嘅真正目的就系将教育嘅漏洞用扯人裙，冚已脚嘅贱格手法隐藏起身！
其实众所周知，一个人想唔咁容易病，最好嘅方法就系提高抵抗力，唔系话
要去将全世界变成一个无菌世界。。。电子游戏呢种产物亦一样，关键系我哋点
去正确咁去使用佢而以
可悲嘅电子游戏机啊！你为上述讲到嘅两个部门食咗只咁大嘅死猫，真系难
为了家嫂咯！
睇完广州日报嘅报道有感而发
--
?
天若有情天亦老，
月如無恨月長圓。
※ 来源:．月光软件站 http://www.moon-soft.com．[FROM: 202.103.135.134]
|
|
>>电子游戏机=海洛英？？