发信人: dreamweavers()
整理人: cywx(2000-08-25 02:06:57), 站内信件
|
呢几日发生左咩野事情，我地大家都叫做有少少知道。作为一个朋友，见到
你依家甘噶样，都唔会话甘开心。其实，话到尾，无论你有几痛，有几伤，亦无
论你响社区发几多感慨，要系你噶，你一定会得到，如果唔系你噶，无论你点努
力，点勉强都无用。呢个道理系好简单好肤浅。
其实本人对于所谓爱情绝对唔系咩高手，但系对于你呢件事，我噶想法系（
希望大家可以交流下）：
一、中意唔中意，除左在乎于你是否可以全情投入甘去爱一个人之外，仲有最重
要噶一个因素系缘分，所谓缘分就真系好骑呢，因为如果对方对你没感觉，就无
论你为距做咩野，都没用。甚至你可以为左救距失去性命，都只能等距心目中多
左一个你系距“恩人”感噶感觉，系唔会再有其它因素。101次求婚式的求爱方法
同结果，其实响呢个世界系少之又少噶，至少你自问下你自己，即使你系甘痴心
，但你有咩办法可以得到人地好感啊。有Ｄ野连自己都唔相信奇迹会出现，何必
等自己伤心、伤心又伤心呢？
二、所谓“爱”，其实除左随时准备为你所爱噶人贡献你精神、肉体之外，仲有
一个因素系：你一定要顾及人地噶感受，你可以为距做任何事，但系前提条件系
你为距做任何事，都一定要系会令距开心，令距感到轻松、舒畅。如果你为距做
噶事，距系会感到拘谨、唔开心噶话，唔系会收到反效果咩？呢个世界任何事情
都好现实－－只注重结果，唔会注重过程，结果如果系会令人唔开心，就无论你
有几痴情都好，反而会搞到大家好似隔左幅墙甘。所谓买卖不成仁义在，感情其
实都系一样，如果你爱人地，除左响两情相悦噶时候可以为距做任何事之外，如
果人地没呢种感觉。我想，其实如果你真系甘中意距，系咪应该以另一种方式去
“祝福”你呢位精神上噶爱人呢？（当然，以上只系我个人响呢一刻噶想法，同
本版立场无关）
三、呢句系作为男人离教训你噶。爱情失败，点解你要长期好似太监比人阉左甘
对住朋友诉苦呢？据我肤浅所知道，其实呢件事你应该好早就知道结果，但系点
解你仲要继续踩只脚上去做一Ｄ损人更损己噶野呢？唔通你就希望你朋友一直对
你担心，长期帮你治疗呢个其实可以好快好翻，但系依家竟然化左脓噶伤口呢？
而且，如果你真系甘中意距，你又日日对呢件事呻吟，甘唔通你又想将你所爱噶
人陷于不义？我地大家都系有少少交情，知道呢件事情来龙去脉，但系如果系唔
清楚呢件事甘岩又系你朋友噶人呢？见到你甘样，距地会唔会憎恨你位所爱噶人
呢？唔通你又想有呢个结果咩？我点都唔敢相信你系一个“得不到就清除”噶人
啊！！！！
四、继续系男人噶教训：即使你好伤，都唔应该响一个公众地方甘样叫苦。因为
除左会有上面果条后果之外，你日日如是，一定会被人体小你。一个大男人，感
情失败唔去总结失败原因，扑底左，唔企起身，擦干你流出离噶血，反而放任将
宝贵噶血，宝贵噶尊严由距对住呢个公众社区系甘软弱地消失，唔通你真系甘懦
弱？如果呢件事你老豆知道，会唔会话你没出息呢？你自己又会唔会认为自己没
出息呢？中意一个人，唔去想办法掠去距噶心，反而将自己最脆弱噶一面完全暴
露于大众，暴露于呢个女仔面前，连自己都甘脆弱，点样保护、点样捍卫你心爱
噶人呢？我想大概所有女仔都唔会中意一个甘懦弱噶男仔挂。眼泪系自己噶，即
使系要流，绝对唔应该对住你要保护、要捍卫噶对象流。因为连自己都比唔到自
己安全感噶人，点样去征服其他人呢？
五、没啦。如果你唔开心，要同我地班友仔劈酒，我想大概没几多个会唔应承噶
，最紧要你明白，你系一个男人，系一个有尊严噶人，而且系一个有始有终，唔
会等女仔难做噶人。系甘多啦。有咩意见最紧要提，千祁唔好自己亏待自己。
--
我系家道中落嘅西关穷少爷，没钱响度蒲好耐
虽然穷到窿都没咩益你嘎啦，不过都系写低个联系方法先
ICQ:46625997 OICQ:253574
如果你两样都没，就只好响度搵我咯(顶~你仲穷过我！）
※ 来源:．月光软件站 http://www.moon-soft.com．[FROM: 202.105.73.76]
|
|
>>失恋以后 (BM: cywx)>>to 网友布景云