发信人: hansun_lee()
整理人: (2000-04-25 21:45:34), 站内信件
|
我屋企有只狗，有人来嘅时候，佢呢，初头都净系识叫“好好好”嘅嗟（所
以佢以前个名就叫做“好好”），一来系为咗表示欢迎，二来呢，就系想话比我
听：佢好醒目咖，冇偷懒咖，睇紧门口咖咁。目的呢，无非就系想我掟匶骨头之
类嘅嘢打赏吓佢嘅嗟。
初时我仲咋咋帝帝听唔出佢嘅意思，因为客人晨时卯时都会来，拿起手，边
度有咁多骨头之类嘅嘢掟比佢至得咖，大家话系咪啊？后尾我见佢声大夹恶，成
日吓亲人，咁样落去就唔系“狗”路咯啰，于是就系度想下办法啦……
好彩我屋企就系河边，鱼、虾、蟛蜞之类嘅嘢多的是，咁我得闲嘅时候就咪
捞定啲上来，等佢一叫，就丢三两件比佢。哈——点知呢招又几止咳咯啵。原来
佢觉得：古人讲过，鱼与熊掌不可兼得吖嘛。鱼始终都系比骨头矜贵啲嘅……。
喽尾我就算手头冇鱼，当佢叫“好好” 嘅时候，我就话“鱼——”提醒下佢，佢
就会收声嘎喇。我咪就同佢改咗个名，叫做“好好鱼”啰。啲客人见到佢问我攞
鱼时候咯个衰样：摇住尾、伸住脷、眼光光咁，话佢个样好淤嚄。于是又帮佢个
名改成“好好淤”啦！
到咗呢个时候，我先知道，原来狗都会追求高卡享受嘅！
不过，问题就出咗系呢度，由于鱼、虾、蟹（佢始终搞唔清蟛蜞同蟹嘅分别
，佢又几钟意食，所以一个星期成七日都嘈住要吊蟹——钓蟛蜞）呢啲咁嘅阴毒
嘢食得太多，咪搞到只眼又朦咗，个口又烂咗啰。崩口狗忌崩口碗，佢话自己系
“粗口”而唔系“烂口”嚄。
自从佢只眼朦咗之后，我掟咗嘢比佢都睇唔到，要我话番比佢听：“丢（咗
比）你啊，那！！！！”。点不知后尾佢学讲嘢嘅时候，世估唔到会漏咗栝号里
面嘅字。所以，唔知大头成哱大歪话佢打错字，其实系佢地搞错嗟。
狗呢，始终改唔到食屎嘅本性，所以佢连个签名都带“屎字” 嘅。
讲咗半日，大家应该知道佢点解会讲粗口嘅因由咯啦？睇在我嘅份上（俗话
讲：打（闹）狗都要睇下主人嘅面）咪由得佢啰。其实除咗讲粗口，佢又真系几
得意咖。
--
电脑玩了二十载，
技艺仍疏乃庸才；
游戏倒是成高手，
光阴已失不复来。
——驱风老怪的真实写照
My Oicq:711955
※ 来源:．月光软件站 http://www.moon-soft.com．[FROM: 202.105.39.12]
|
|
>>超级搞笑嘅粤语笑话>>大家唔好咁对佢啦！“好好淤”（hohoyu78