发信人: jasonchoi()
整理人: cywx(2000-08-28 21:44:37), 站内信件
|
老实讲，今日我都系成下昼三点几大P打电话畀我先知道原来琴晚原来神婆同
盈盈讲咗果啲事。首先，我为两位朋友嘅率直同坦白而高兴，大家有问题唔应该
收收埋埋，出嚟讲就啱了。
响讲嘢之前，我要为琴晚冷落咗神婆，囡囡等朋友而道个歉先！
好认真睇咗两位网友讲嘅嘢，总括起嚟如下，
第一，琴晚余香醉酒后嘅态度唔好。
第二，琴晚出席嘅人，包括我确实系冷落咗佢哋。呢个亦都系事实！抵佢哋嬲
。
第三，男性网友大家出嚟聚会系因为想媾女，响网上未见面时，对女网友有百
千种幻想，花言巧语。见面后如果啲女网友唔靓就唔骚佢哋，甚至连上到网唔瞅
唔睬。相反，见到靓嘅女网友就大献欣勤。
第四，盈盈怪我哋有节目冇通知到佢。
第五，两位都有意思话以后唔再出现响呢度。同埋唔再出嚟聚会嘅想法。
应该冇漏了呱！：）
好了，你哋畀听心机听我慢慢解释。。。。。。
第一，琴晚余香醉酒后嘅态度唔好。呢点嘢，首先唔怕得罪讲句，神婆你系小
气咗啲。唔知你饮醉过酒未啊！如果有嘅说话，你谂番当时嘅情况会系点呢，可
能已经处于非理智嘅状态，做出乜嘅事出嚟都会有可能，唔系就唔会有酒后乱性
呢句说话啦！唔好讲乜，上个星期亚聪就可以作为一个人版嚟现身说法，讲吓当
时嘅情况。。。。如果未饮醉过嘅话，我代余香同你讲一万句对唔住。。。其实
今日下昼五点几我同佢讲过OICQ，佢都为琴晚嘅事好后悔。。。。唔错都错咗了
，神婆你大人有大量，唔好为啲咁少嘅事放响心度啦！同时亦都靠诫啲朋友，以
后出嚟玩，饮酒可以，但系应该有个分数，睇实嚟玩，如果玩到要汤，伤身唔单
只，仲可能搞到伤到好好嘅感情就唔好啦！希望主意！！！（特别系唐立生）
第二，琴晚出席嘅人，包括我确实系冷落咗佢哋。呢个系事实！抵佢哋嬲。我
再次首歉，但系我想讲番一句（响你哋睇嚟可能系死鸡撑饭盖），如果你第一个
新网友（不论男女），你第一次见到咁大班人，可能一个都未见过，咁如果有一
两个人嚟介绍你畀其它人识， 同你倾偈，咁样，系唔系会增强你第日出嚟再玩嘅
兴趣呢？？我谂你唔会否认。如果你系旧网友，个个人你都见过了，边个啱倾，
边个好倾，你自然知道啦！咁你亦都会自己掹住佢猛讲啦！至于你讲到出嚟，我
觉得我哋呢啲网友（亦都系不论男女），如果讲咗有个咁嘅问题，你哋（包括我
）有则改之，无则加冕。见到有人好似好闷咁样，不妨陪吓人，同人倾吓偈，或
者可以找到共同点出嚟，擦出新嘅火花呢！
第三，男性网友大家出嚟聚会系因为想媾女，呢个问题。。。。我觉得讲者有
啲一竹篙打死一船人嘅意思。当然唔可以讲话我哋班网友中唔存在呢啲人，但系
毕竟唔系咁多人，大多数嘅男网友都系以结交朋友为主要目的嘅啫，如果见面合
眼缘了啵！大家青春少艾，男欢女爱，呢啲事好平常啫。拿！！唔好话我臭口讲
句，唔通女网友就冇出嚟想媾仔嘅意思？你哋肯定话唔系，当然啦！你两个唔系
啊嘛！但系唔可以排除到有啲人咁样，但系都系小数。唔好搞到我哋啲男网友好
似个个色狼咁样。。。。
第四，呢件事我可以讲一句说话，我系约过盈盈出嚟嘅！不过当时系因为未定
到去边，所以冇讲到地点啫。咁如果系要怪我嘅话，我讲多声对唔住，唔补通知
你！
2000-07-07 00:41:09) 大头成
咁乖
(2000-07-06 12:46:55) Christy
系啊！
(2000-07-07 00:39:25) 大头成
星期六晚出嚟吗？
(2000-07-06 12:44:03) Christy
唔出来啊！
第五，我觉得上述讲嘅嘢，如果两位听得入嘅话就会应该打消咁嘅念头。其实
大家喺五个月前可以讲系陌路人，但系通过网络使我哋可以相识，相交，相知。
每日嚟网易嘅人大大话话有成几千人，我哋可以识到真系一种好深嘅缘份，点解
我哋唔去珍惜佢呢，畀一啲误会就搅到大家都唔开心，何必呢！
两位亦唔系细路女了，谂真啲我前边讲嘅嘢啦！我知你哋宜家可能风头火势睇
唔入眼，如果有咩唔同意大家再讨论清楚。唔好郁喺个心度。粤嚟越正大门永远
向妳哋敞开！
--
?
天若有情天亦老，
月如無恨月長圓。
※ 来源:．月光软件站 http://www.moon-soft.com．[FROM: 202.103.136.155]
|
|
>>不吐不快！ 我嘅一点睇法。。。