|
发信人: 53025(纯情胡须住家男) 整理人: x_______x(2003-04-04 15:06:47), 站内信件 |
| 我記得...84年果陣, 我只有6歲, 唔知咩叫偶像, 但有一次, 我係街拾到一張過左膠既相, 一邊係leslie係唱緊歌既樣, 好英俊, 好有明星魅力, 自此, 係電視一有張國榮既出現, 我就會唔理屋企人睇緊咩, 都要爭到電視睇為止...近年, 人大左, 開始無咁迷偶像, but我一直都好鐘意佢既歌~重記得佢97年concert之後, 出左一隻好少有既LD, 我重要係唔食lunch去買佢既LD, 縱然無機睇, 都覺得好滿足, 黑膠開始越買就越買番佢以前既黑膠, 當無野做, 睇下D黑膠, 都會對住佢既黑膠, 同阿媽講: "佢係我心裡面係一生一世既偶像, 就算佢有一日唔再紅, 我都會咁鐘意佢"
大約三年前, 有次佢係我隔離街度拍戲, 我好想, 但又同自己講, 我大個仔啦~ 唔好再搵明星簽名啦, 但最後, 我囉左隻"全賴有你"既黑膠碟比佢簽名, 雖然果一隻唔係我最鐘意佢隻碟, 但我好滿足, 真係好滿足, 因為可以比一個自己既偶像簽名, 仲係咁近....果種感覺.....好好... 今日, 夜晚8點幾, 我岩岩係尖沙咀搭緊天星返中環...岩岩落碼頭, 我絰女打比我, 佢話"你偶像係文華跳樓死左", 後來, 我行去文華, 見到大約有100人係度....有記者係度影個地下, 我死都唔會相信果D血係一個我多年既偶像, 我好心痛........ 我見到地上既血, 比警方D膠紙攔住, 我真係好唔舒服....我唔會相信佢會自殺....直至而家~都唔會相信, 因為我接受唔到...... 今日, 2003年既愚人節, 真係有一個好大既笑話, 你地有無試過想喊, 好唔開心, 但又喊唔出既感覺?? :(((( ----  |
|
[关闭][返回] |