发信人: jason_choi(當天使遇上豬)
整理人: atlantice(2003-03-31 19:35:39), 站内信件
|
见下面嗰个哥哥用酒精。。。忍唔住要讲下。
1一般电话入咗水，千祈唔好再开机，立即将个电池拆咗落嚟
原因：因为仲入住电池时，机内仲通紧电，所以啲水迹会将内里电路短路。
2拆开部电话
唔使讲啦，唔拆就冇得整，你要有工具。一般T6星批周街都有得卖几蚊到十几蚊都有。
3将液晶、听筒等拆落嚟
一般拆净块电路板。将个所有配件拆咗。例如8210，就要将液晶架等拆走，留返一块电路板
4，将屏蔽罩拆咗
一般嘅机都会有几块金属盖，盖住嘅系射频啲嘢。用镊子等工具就可以方便 咁拆咗佢。
5，用天那水将成块电路板浸住
记得啊，唔好用酒精，因为酒精含有水份，所以会越洗越衰。同埋会起白印咖！
呢个方法一定得，以前我喺**CARE 手机维修中心度做过，佢哋都系用天那水嘅。
6二十分钟后。。。
细心攞起块电路板，然后用牙擦。见到边个有发霉嘅地方就擦走啲霉点。其实最好就系用超声波清洗机，文化公园嗰边有得卖。如果家庭就唯有咁样。
7用风筒对住块电路板吹十分钟
吹走哂啲潮气。
8。装返部机试机
呢个办法有85%有效，不过始终系极精密电子产品，所有唔好彩有时会开唔返机或者开机后唔稳定。呢个亦都系维修中心唔肯保修入水机嘅原因。
所以发现部机唔多妥嘅时候，你哋就自已判断点处理佢啦。 |
|