|
发信人: k_club(Kの请到电台版~) 整理人: cswpcl(2003-01-25 17:36:09), 站内信件 |
| 点解我会入电台版?或者同好多人既理由一样,我自细就好中意艺术,比如画画,音乐,仲好有表演欲,舞蹈,相声,话剧,打band,总之同表演艺术有关既我都试过,特别系DJ...我好多friend就同我讲果话我把声好有DJfeel,甚至有人将同我讲既电话录音,然后寄去电台度应征DJ添...曾经,我系学校做DJ,但系无论做咩都令到我觉得绑手绑脚,仲要成日做D自己根本唔想做既节目(例如天气预报,国际时事)简直做到我呕晒血,最后仲要比老师话我国语唔标准,连我最中意做既体育节目都唔比我做!!所以后来入左大学,我依然系入左广播站,可能系因为我对呢样野真系好有感情,但系我并无选择做DJ,而系转左做节目策划,发挥创作既自由度高左好多...
讲翻上社区,我系上左几乎2年既,以前一直都系写吓文章,呃吓女仔甘,直到旧年既9月份,我租既屋装左宽带之后,我入左电台版,仲记得当时我就系一个对于开网络电台咩都唔识既细路仔,系个版度到处问人点样开台,仲记得神神,ayan,大婷都好热心甘教我,仲教我入精华区度睇教程,特别系ayan同鼓佬,仲好好心机甘教我点样调试,音量应该开几大,用咩软件去播歌效果唔会失真... 慢慢甘,我开始上手,可以自己开台,然后我突然发现,呢个电台同我平时上台跳舞,讲相声,做话剧,系学校做DJ等等等等系完全唔同既!区好自由,自由到完全无任何既规则条文去限制我,真系free到吓亲已经习惯左条框限制既我,我好中意区,真系好中意好中意,因为从来唔会有一个地方系可以比我中意做咩就做咩,中意讲咩就讲咩...于是我好比心机甘去做,每次开台,都会放时间落去做准备,做功课,我好开心,大家都好认同我,仲记得我刚刚学开台既时候,每次开台都只系得3~5个人入来听,慢慢甘,我而家开台一般都会有最少15个人入来听,而且我仲可以好寸甘定下自己3个听众以下唔出mic既规矩,完全都系因为大家都好比面我,好认同我,好多谢大家... 唔经唔觉,系电台版已经蒲左差不多半年,平时虽然除左通知开台外好少系版上发贴,但系我同好多人一样,好关注电台版既野,我系一个烟产,从前每次入社区都会第一时间入烟版,但系而家第一时间系电台版同冰版... 近来,电台版人气越来越差,好多时竟然出现一版三日既情况,好多蒲电台版既朋友,例如BOBO,大婷,伟仔,AYAN都好有心甘想去搞旺电台版,我都好想出我自己既一份力,但系我不嬲都唔系D惯做门面野既人(当然,我并唔系话写野既朋友都系做紧门面功夫)所以我并无写D咩,我都系见到如果有人开台就第一时间去听,同埋到处同人宣传吓电台版,再加翻条电台版既banner落签名度(讲真,当初点解系签名度del左条banner,其实系因为我觉得条banner真系好鬼难睇,同我个签名都唔衬既,当然,我并无权利去批评,因为我根本连条甘既自己觉得唔好睇既banner都唔识整)... 但系今日,竟然有人闹我话我无为电台版写野,一D都唔关心电台版... 于是,我都好似大家甘写翻篇野,等人地都知道我有支持电台版... 呢篇野长到连我自己睇翻都觉得烦,所以K仔都唔望有人会睇晒区,只系希望做D野唔好再比人话我唔关心电台版者... ----  
赐予我不输給自己的坚强吧，相信自己將能够成为一個坚强的我…… 活著，希望便從不熄灭…… --------《圣经》纱罗门 好多人叫我K仔，但系你地真系见过K仔未？～～ 
无论系软性毒品定系硬性，都系会上隐咖，各位千企吾好试吖 |
|
[关闭][返回] |