|
发信人: ivy_kwan(猪猪) 整理人: lily324123(2002-10-21 18:37:27), 站内信件 |
| 记得细个听到罗记唱坏情人，激光中呢类歌的时候真系几唔中意距架，我谂网上的朋友大多数都唔会将距封为偶像，距的FANS亦唔系我地呢一代人。
但系无论距有咩性取向或者扮相出位都好，我觉得距对乐坛所作的贡献真系好大。距的好多歌曾经激励过我地父母呢一辈的人，好似几许风雨，前程锦绣呢D，而家听都仲觉得好好听，好励志。 肥肥话距直到过身之前都唔肯打吗啡，听人讲生cancer到最后的时候真系会好痛好痛，真系好佩服距宁愿忍痛都唔打吗啡。睇报纸讲到距过身，我谂距当时真系好辛苦，亦好唔甘心。一点钟脑死亡，过左十个钟先走。一般人被医生判断为脑死亡之后都会撤去呼吸机，等待生命自然结束，呢个过程其实好快架。但距可以捱到十个钟，真系好坚强。而且报纸仲话当时距D亲戚朋友叫距安心甘训啦，距就合埋只眼一阵，过一阵又睁开眼，果种情形可以想像到系好令人痛心架。 我以前唔中意罗记，但自从呢次之后我听翻距的歌，觉得几好听。我唔觉得甘样好做作，人总系失去之后先会觉得珍贵。起码从此之后我会好尊重呢个过左身但留俾我地好多好歌的人。 仲有，我谂无必要将罗记同陈谢麦等等相比。因为根本唔系同一个层次同一个年代，谢霆锋唔坐监同罗记过身更加系毫无关系。 对于罗文，无论你中意抑或唔中意，但都应该尊重。 ----  |
|
[关闭][返回] |