发信人: dyldm(步惊云·神)
整理人: jz_love6(2001-12-08 11:57:41), 站内信件
|
主题：今日俾小劳话我:附庸風雅
发信人: papertree(papertree)
距咁样讲系因为我话我中午听李斯特只CD听到训着左.所以距就话我附庸風雅,虽然我知道距系顺口讲笑,但系,俾距咁一讲,我又真系觉得自己又系几附庸風雅.本身我就一直都觉得自己系个随波逐流0既小女人(女仔至真).平时一见到美莲,BETU,THEME加减我就会连课都唔上,去扫货.一边话人地着流野,一边自己又响老鼠街同人杀价(因为老鼠街真系可以执到D正牌老鼠货).响学校又成日讲人是非,成日话边个边个同边个边个一D都唔衬,边个边个都配唔起边个边个.一到考试前夕就厚住面皮到处去刮料,平时上课就响到训觉或者入定.M记一有新野就第一时间去试.人地话绿茶可以抗氧化,我就成日饮.知道SINDY每日练哑铃KEEP FIT,我又去买个哑铃练,不过,练左一个星期就放弃左.平时,睇书睇得最多就系<<东TOUGH>>(听人话<<第一次亲密接触>>好睇,我又去买).
我知道自己一直都无咩大志,对好多野都人云亦云,面皮又尺几两尺厚.既无风采女孩0既文采,又无阿燕0既敏锐触角.反正就系凡人一个,仲要系带D市井之气.但系,我知道哩个世界上有好多我哩种人.我承认自己系列化一个十足0既享乐主义者(有我哩D人,先可以带动消费),过住D做一天和尚敲一天钟的生活.平平淡淡,平平凡凡就系我依家生活0既写照.
我承认自己平庸,但系,又有边个未平庸过,我就唔信苏格拉底无讲过人是非.平凡又如何,人难道唔应该学会过D平凡0既生活?我们平凡,系因为仲未有机会展翅.我知道哩个世界上,有D人生活得好复杂,好精致,有好多人会羡慕距地,但都有好多好似我哩D生活得好简单,甚至又D平庸0既人,而我地自有我地0既快乐.其实,世界上有好多野都多好简单,例如,吃饭就可以维持到生命,穿衣就可以俾到温暖我地......仲记得朋朋0既:音乐、香茗、书本陪伴我每一天！
我觉得如果我地可以响平凡0既事物里面去发现快乐同美好,我地快乐0既源泉先可以称得上系丰富,自足,同无穷.过D简单同自足0既生活,我地先更能发现到生命0既原味.
我更加相信,每个人都系能够发出自我光亮0既猩猩(星晨),虽然未必颗颗都咁耀眼,但都系独特同与众不同0既.Y~~~~~~
OH,NO.讲下讲下,唔知自己讲左去边添. ^0^
----
如何让我遇见我?
|
|