发信人: gzcloud2001(cloudy)
整理人: dyldm(2002-03-02 11:11:50), 站内信件
|
作 者: papertree[柏林]2000-12-31 17:42:58
可园(东莞) 游四大名园的第一站
今日因为学校开校运会,所以空出星期五.大概9点钟从屋企出发,去到省站,发觉,乜咁多人架,仲要全部都系D涝佬,广州,唉……仲要俾广州火车站D告示乱点,兜左个大圈先到省站.
不过,买票就好方便.可能系星期五啦,所以都无咩人排队,好快就买到去东莞的车票,25蚊,个服务员小姐仲好热情咁指我去27车站,同我讲随便我坐边.部车就无咩人坐,唔知有无钱攒呢?
从广州到东莞刚好要74分钟,因为我刚好听完一只MD,系昨晚录的阿菲的新碟((寓言)).
去到东莞发觉都几繁荣.
落到车,先发觉原来唔系汽车总站,不过我想一直行,应该会有车站挂,不过,我行晒成条路都无车,睇怕,唔问人都唔得,当我问D路人,边度有9或者11号车坐,距话距好少坐车,都系踩单车多,所以帮唔到我,不过,距问我要去边,我话:可园.距就叫我打摩托啦.几蚊就到.
所以我就打左部摩托,收左我6蚊,我觉得一定收多我钱,见我系外地人.距兜D小巷,所以好快就到可园.
可园,比我想象中要细,不过D建筑就好密集,有D乱的感觉.不过乱得来又几错落有致.主建筑不大,只有三层.你好难想象咁细的建筑.但内里却处处相通,简直有四通八达的感觉.我唔明,以前D人无理由咁怪.因为全部楼梯都好窄,两个人都行唔过,仲有种好阴森的感觉,如果响可园玩朴哩哩,我估揾成日都揾唔到D人.
可园俾我的整体感觉就系琳琅满目,有太多的亭台楼阁聚在有限的空间里面,就好似主人家要将距自己中意的东西一次过SHOW晒俾人.
参观完可园,发觉时间尚早,所以我就决定去沃尔马睇下.因为广州无.不过就失望而回,因为无咩特别野买,D野一般都贵过广州.而中午我就响KFC打包解决.
响东莞全程我都系摩托代步,因为方便,虽然唔系咁化算.大概2点从东莞返广州.
10月27号 |
|