发信人: gzcloud2001(cloudy)
整理人: dyldm(2002-03-02 11:11:50), 站内信件
|
作 者: papertree[柏林]2000-12-31 17:44:24
四大名园第二站:清晖园
今次因为要从学校直接出发,所以就响锦汉车站上车(22蚊).估唔到去顺德咁近,又唔行高速公路都要咁贵,不过就好多人上车,仲大部分系学生.
大概2点去到大良.
好彩,我有个FAN系顺德人,所以我一早就问定距,清晖园点去?大良有咩地方好行?要搭咩车……仲有边间李禧记D崩沙最靓.
所以一落车,我就打的去清晖园.皆因顺德的士好抵坐,4蚊起表,所以都无跳表就到清晖园.清晖园坐落在清晖路.比起上次去的可园,要大好多.难道顺德人有钱D?
清晖园的布局好宽敞,两步一水,三步一山.可以称得上几气派.最特别就系,竟然有两个细规模的瀑布,其中一个要上``山”先可以睇到源头,仲有三条山路可以到达.清晖园其中一个气派的地方就系有一条连接各个景点的回廊.回廊上浮雕以水果为题材,可能意味着岭南佳果出名挂.印象比较深刻就系有个在水中央的八角亭,真系好鬼风凉水冷.仲有一间专门用来吸鸦片的房,记得介绍话,以前D文人以吸鸦片为一种高尚的享受.
清晖园每间房的格局都要比可园大,有好多大厅,仲有好多亭同人工池,最利害就系有好多鲤鱼,有荷花,去到顺德先发觉原来又到荷花开放的季节,睇下学校个荷花池……垃圾就大把,搞到我成日以为D红色的胶纸袋系荷花.唉……
睇完清晖园,就按我个FAN的指示,去对面的新世界商场,距话里面有好多名牌.岩晒我.又有adid,reebok,nike……,但系我就觉得D货当中一定有唔少流野,要识货的人才能分真假.例如:我.可能我今日着得几身光颈靓挂,所以D人都好好招呼,我最怕.一楼系所谓的名牌店,二楼就系比较年轻化的商埔,不过,讲句真,我觉得D野…….太cheap.睇唔上眼.跟住就去步行街.响途中,发现顺德都有真维斯,不过我唔会重复上次去深圳咁.买D广州都有o既野返去,好似傻仔咁.所以我就问是否全广东省同价.既然系要买就返去买,所以当我响屈臣见到好可爱的趴地,我都无买到.最犀利顺德连DONA都有.劲.步行街两边的建筑同上下九相差无几.可能系星期五挂,成条街都个淡字,好淡.
行完步行街见先得4点8,就决定去埋宝林寺.
响好远就可以见到宝林寺,我心想:唔系咁大挂.去到先发现,真系好大.宝林寺系依山而建,分五层.因为时间紧迫,所以我就加快脚步.不过,从第一曾上第二等,就要登起码5层楼,我本来就已经好累,真系想拿我条命咩.整个宝林寺D建筑就几宏伟,特别响第二曾有个唔知几多乘几多的大鼎.不过可以供人参拜的殿堂就少D,有好多地方都无开放俾游人参观.响上山途中遇到一对上左年纪的婆婆爷爷,距地上得好慢,所以见到我一支箭似的跑上去,爷爷话:睇下人地个后生女,几好精力.我就好无奈咁笑左笑.以我哩种婆仔性格,去寺庙当然就系见佛就拜啦,不过,因为无带散纸,又无买香,所以就求求其其拜下,无办法.下次去一定带多D野去,要拜神都系认真D好.
上到去最高果层,放眼望去,只见落日,又系黄昏.整个天空都被染成橘红色,如果有双翅膀可以飞就好.抬头望,发现在头顶的系一轮弯月,颜色淡到好似要消失咁,觉得有D似自己.明明实实在在存在,但系又感觉唔到自己的存在.^0^
睇下部手机.OH,NO已经六点啦.所以,我几乎系跑落山,最惨就系我今日系着住对靴.落到山.发觉.毙,无的士,难道要我好似伊藤同超人咁.好彩,行左两步路,就咁岩有部的士落客.一定系上天见我好人,怜悯我.所以我可能系坐最尾一班车返广州,我估.
11月4号 |
|