|
发信人: sankewu(愛不留) 整理人: lgpc(2002-01-26 19:38:58), 站内信件 |
近期新机一窝蜂玩「飞线」，最新例子就有MotorolaT192。佢最巴闭之处，系摩记首部冇天线兼集换壳及GPRS于一机的产品。有咁劲的条件，照计应该卖得几贵，奇就奇在只卖千4元以下，又穷又想赶潮流的玩家都可以买得起！ 
机身超晒重 唔知系咪Nokia8210太成功关系，形象太深入民心，以后凡系见到个款有少少似的新机都话佢抄8210。好似呢部T192初初在CeBIT曝光时，已经觉得佢同8210有几分相似。其实咁屈佢都几冤枉，查实现在的手机部部都差不多架啦 T192跟T191同一系列，但外形、体积就差天共地。T192比T191大、重得多，成部机连电池重117g，在今日的标准来说是完全唔合格。好在T192识得飞走天线，令到个样醒番少少，如果唔系搵鬼要。 面壳劲难拆 
T192属于摩记4大系列的Talkabout系列，当然有齐这一系列年轻的特点。T192有多款不同面壳，用家可以随便更换，不过个壳就劲难拆！ 另外，近期流行将图画同声音夹在短讯中传出去，T192虽然未去到咁劲，但都有类似功能。佢有聊天室，玩家可以夹杂一个表情好似笑、嬲、扁嘴之类的图案传出去。 上网表现佳 咪睇T192好似冇料到，其实佢都有GPRS技术，配埋WAP1.1用，下载速度可以去到40kbps以上。对于经常用WAP的用家来说，用几多俾几多，而且下载资料途中，毋须中断互联网接驳都可以听到电话，真系几方便。屏幕都算大，每次能够显示5行文字同1行图标，如果仲系睇唔清楚，仲可以用埋放大功能，都算谂得周到。 
功能够实用 如果以「玩」的标准计，T192在这方面弱了少少。只可以下载2首铃声，另外有2款动感屏幕保护，游戏就更加得1个「撞砖」咁大把。相反佢在「实用」方面就做得唔错，有声控拨号、快速短讯等，最适合事事讲求快的都巿人。 规格表 制式：GSM900/1800 体积：46×120×23mm 重量：117g 备用时间：180小时 通话时间：5小时 功 能：GPRS、WAP1.1、SMS短讯图案、声控拨号、iTAP文字输入法、计算机、1个内置游戏、快速短讯等 |
|
[关闭][返回] |