发信人: hexi79(中指也下岗)
整理人: cywx(2003-02-16 04:50:14), 站内信件
|
今晚夜深人静，当月光被薄雾包围噶时候，就是阴气最重噶时间。呢个时间，我中指，卜猪，卜猪噶honey不知不觉，太阳，lucky，黑暗，benben，阿C，jerry，正站在阴深恐怖噶坟场门口，准备执行我地第一次噶蒲墓计划，而今次计划噶目标，就系我地身后被一大片树林包围噶满族坟场。
坟场噶大铁门紧闭，要入墓，必须从铁门旁边噶护拦爬过去，护拦有一个人甘高，爬过护拦，仲要再爬过一个高过人噶铁丝网。值得一提噶系，当时，我好伟大甘将第一个爬入坟场噶重任交左俾卜猪，等呢个后生仔可以通过承受压力而成长自己。好啦，收返你地D嘘声先，故事仍要继续。入墓噶最后先后次序系，卜猪，中指，benben，lucky（呢个女仔好大胆，所以我地怀疑距唔系女仔），太阳（太阳本来好惊，因为细个噶时候有过被鬼吓噶阴影，但入到墓地竟然表现勇敢），黑暗（摄影），阿c，不知不觉，jerry。
其实，我个人觉得，最惊噶一刻，系我跳入坟场内，剩得我同卜猪两个人响入边噶时候，因为里面黑蒙蒙一片，如果呢个时候，响里面单位噶住客，全部冲晒出黎，我同卜猪可能唔能够喂饱晒距地。
终于，全部人入晒坟场，地面上个阶梯，睇落就好似一张好长噶地毯甘，伸向墓地，我地沿着地毯，向前走，步行噶速度系1公里/小时。突然，我地发现前面有个窿，大家唔好兴奋住，因为个窿真系好大，就好似皇宫陵墓噶入口，个窿越大，就代表入边越黑，入边越黑，就代表我地越惊，忽然，窿入边绿光一闪，以太阳为首噶我地，一声惊呼之后，马上转身想门口方向跑去，速度60公里/小时。当大家响门口度喘气噶时候，想想，头先噶绿光可能系萤火虫，就下定决心，再走入墓地。走近个窿，先发现原来里面唔系咩皇陵噶入口，只系一个桥窿而已。走过桥窿，真正开始进入墓地噶深处，身边和前面也飘起一片薄雾，但系呢个时候我地已经惊到缩埋一旧，根本唔识欣赏呢中朦胧美啦。
值得一提噶系，一直带头噶系benben同中指（中指系在benben噶挟持下被逼带头噶）。最后走过一段比较光噶小道，我地终于来到墓地噶深处，只见在一座牌坊里面，布满白茫茫噶一片石彻坟头。最后，因为听到外面有警车声，怀疑兼惊住系黎抓我地噶，所以我地就只系响牌坊前面影左副大合照，而没有深入墓地去探视每一个坟头，就离开了。
出到黎之后，我地意尤未尽，商量打算下次再召集更多噶粤版精英，去“蒲墓”。
后记，我发现其实我地今次执行任务噶时间，有三分之二系响坟场门外徘徊，作思想挣扎，讨论究竟入定唔入，响墓地探险噶时间只系占三分之一。不过，经此一役之后，我地噶胆量也相应提高左唔少，至少，我衣家起身去屙夜尿或夜屎噶时间，脚步相对以前会放慢少少，淡定好多。
------蒲墓委员会秘书长礼貌地收起中指 字
公元2001年10月31日凌晨零时五十六分
----
到底你有咩理想？到底你想得到D咩？到底你噶人生要点过？到底......到底......到底......到真系到左你人生最后噶阶段，你才发现，原来上帝派你降临人间，所背负噶伟大使命，只是为了为人类的繁殖工作尽一点绵力！你不需要感到失望和无奈，若然你降临人间，却不能尽这一点绵力，那才是最大的失望和无奈！
|
|
>>2001年10月31日蒲墓聚会>>蒲墓日志