发信人: jason_choi(肉蝴蝶)
整理人: cywx(2001-08-08 00:21:01), 站内信件
|
今晚同大P、亚之、囡囡四个人去珠江医院探望我哋嘅老朋友KENGOOD马欣晖，去到见到佢瞓喺张床度，身体除咗胸部以上嘅位置都无知觉，同埋唔郁得，而且双手虽然可以小幅度郁动，但系手指仲系唔可随意弯曲。佢爸爸当时喺度服待佢。
细问之下，原来系今年清时期间，佢哋成家人自已揸车去扫墓，喺去嘅途中发生交通意外，导致佢全家人同埋佢表弟都受伤，而佢因为冇扣好安全带，所以不幸成为当中伤势最严重嘅一个。啱啱入院时除咗个脑系清醒之外，身体各部位都无哂知觉，又唔郁得，后来经过诊断系颈骨粉碎性骨折而且仲压住神经线，令到佢身体各部位失去知觉而且不能活动。经佛山医院三个月嘅治疗，令到颈骨嘅骨折可以复完，但系受损嘅神经线就未咁快康复，上一个月转到珠江医院医治，经过一个月嘅治疗，已经可以令两手恢复知觉，而且可以郁动了，但系胸对落嘅部位仲未咁快好，所以都仲系原来状况，宜家每日要注射药物同埋做物理治疗。唔可以随便郁动，每两个钟头要转身以防褥疮。
佢爸爸话下个星期一就会转去一间更好嘅医院，用中药方法 去医治，应该恢复得更快。
我代各位朋友转达咗向佢嘅问候，同埋衷心祝愿佢可以早日康复！
出嚟之后觉得我行得走得，可以去医院探人已经系好幸福咖啦！大家都一样要去珍惜啊！
如果有进一步情况我会同大家讲。
----
心中無佛，何來有佛；
心中無魔，何來有魔。
|
|
>>网友KENGOOD病情