发信人: ilu4ever(雯雯︶︵︶病咗)
整理人: cywx(2001-08-01 16:27:44), 站内信件
|
今日睇左吾少讲粤版里面怀疑有类似小圈子嘅贴。
依家火药味似乎真系好重！
我自己都觉得粤版无以前甘团结喇，有D吾似以前甘一个大家庭。其实我之中意粤版D聚会，系认为系度吾会有“搭台”嘅感觉，吾会觉得系分开一班一班甘。但最近嘅两次聚会，我已经有此感觉。或者好多新人会话同D老海鲜话不投机，有时系会嘅，老海鲜讲嘅嘢，新人又吾系好明，依样吾难怪。
同翻自己夹嘅人一起，无话吾可以，出来玩，肯定会有话岩倾吾岩倾嘅，相信以前嘅粤版都有甘嘅情况。但点解前嘅粤版就吾会分帮派？因为大家都系粤版嘅人，而吾系粤版里面嘅某一部分。
即使真系搞小圈子，如果真系想，都可以嘅。
不过讲真果句，粤版嘅聚会，只要讲明系聚会，就欢迎所有粤版嘅人参加！！！从来都未试过话你黎啦，佢就吾使喇，有什么类似邀请名单嘅。甘仲叫粤版嘅聚会咩？如果只系一部分人出去玩下，大可不必响版度写出来，而且仲系好大件事甘。
仲有，关于细吾细路女问题，吾系话以年龄黎衡量嘅，而系以一个人嘅处事态度，一个人嘅思想。年龄只系一个数字游戏。
如果迟D搞到话闹晒大交甚至某些人因某些问题拒上粤版嘅，甘就真系好无谓，我都吾希望依D事真系会发生。
其实我都上左粤版无几耐，我远远吾可以讲话系海鲜，但我觉得，只要肯去做，同粤版每一个人都可以交往。仲有，做朋友吾可以拣住来做，只睇表面黎做！！！
我真系好吾希望粤版搞到好似广吧甘分咩魔族鬼族，神族板族。
自己可以有夹嘅，但作为响版度，就应该系一家人。
我讲嘅只不过系自己嘅意见，亦系我认为出现嘅问题，无话咩偏帮。对粤版嘅感情足以令我甘讲。
----
 
佢？咪就系Ian Thorpe咯！你唔会唔识啩~~~
http://www.ianthorpe.telstra.com.au/
上去睇睇呢个靓仔啦~
|
|
>>唔通粤版真係被分化？