发信人: rambo_lin(二仔@快刀小強.)
整理人: kendya(2001-07-10 10:00:07), 站内信件
|
開始想發貼時候，本黎都係想發下up風，但係突然又想感慨下：
其實我既網齡唔係好長，大概都係兩年到。
都可以話粵版見證我開始上網到而家既所有經歷。
最記得，係到上網冇耐既時候，我好似好多網友甘，逃避唔到網絡既慣例。
學人網戀。
其實當時我工作條件都唔錯。日日蛇王上網，就係希望見下個網絡戀人。
同距係qq傾番幾句。
卒之，我想放棄廣州一切去搵距，記得係粵版有發過貼問大家。
又記得窮少曾經係qq聽我傾訴好耐。而家唸起都好多謝距。因爲基本各時個個都話我痴線。可能距都係，但最起碼距願意同我打字浪費距自己時間！
工作，本黎自己就想放棄既，但係網絡、網絡戀人都係一個原因，我離開咗個好好既單位！
有好長段時間冇點黎粵版，因爲識少少網絡知識後，想搞個關於跆拳道既網站。
同1個北京跆拳道網友一拍即合。距負責做網站，（其實距做網站水平都好屎，都好過我），我負責用自己跆拳道圈子影響力，拉人黎個站睇。結果1年時間，
個跆拳道網站成爲中國最旺人氣既跆拳道站。
然後我得閑就開始番粵版玩。
點知道呢個時候個撈佬想飛起我。
我就冇所謂啊，D人同我黎，一樣會同我走。
所以我自己同幾個師弟一齊，最近做個俾距好10倍既跆拳道網站。
希望我黎多次都可以成功啦！
粵版，真係我上網幾耐我就幾乎係到幾耐。
有時候覺得我係個網絡到做咗好多嘢，但係而家睇下又乜都冇留低。
我對網絡貢獻其實都係網絡跆拳道嗟。
記得第一次聚會真係好搞笑。
各個時候，粵版我就係同窮少、布景雲最熟。
同布景雲經常通電話既，有幾次突然夜嘛嘛叫我出黎聚會我都冇去。
因爲個個時候我好少係粵版玩。唔係好好意思出黎聚會。
後黎有1次，布景雲好早叫我，我實在唔好意思再推，唯有去咯。
去到俾電話布景雲，距出黎帶我入去。然後條pk竟然唔理我哦？
我一只lang係到傻下傻下，邊個係邊個都唔知道，好q悶啊！
開始心入邊丟緊布景雲！
終於，見到太揚窮少係到傾計，查把口埋去，都有2句傾下！
結果我都有參加下次聚會......
終於前段時間都想係社區撈番個一官半職，唸黎唸去，去的多又有資格講嘢既，
只有武術與搏擊版，經過一番努力，其實主要係粵版朋友既幫手，我當認武術版既板斧。而且俾版主話我係社區好人氣。其實都係多得粵版所有人！
oicq，已經早過咗係不可少工具既階段。
好少係oicq同人吹水吹到天花亂墜。
前日，打cs打到5點幾，7點九要出去，所以費時訓覺。
oicq已經冇好友在線啦，無聊飛起按在線人數，求其點個認爲係MM既人發紙仔。
好耐冇回復啊，等到我就黎走啦，先回復我。
打開一睇，好敷衍既字句哦！
我嬲嬲地不停發紙仔，發夠咯，走人落線！
第日晚黑11點上線一睇，就回復1句：
‘甘中意講？oicq搵我，45xxxx。'
我呢個時候先認真睇距資料，‘本站元老’頂~仲犀利過我。
然後係qq入邊講，好奇怪。
我自從同網絡戀人散band後，好少可以同1個異性傾計傾得甘投契啦。
好巧合好意外好少有好驚喜。而且好有feeking....
就算係粵版，而家都覺得有幾個同性朋友好好人。
都係屬於有feel，但係係朋友feel，
可能，網絡的確係一個容易醖釀感情既地方啊！
----
 
跆拳道@快刀小强.com
http://www.chinatkd.com |
|
>>粤黎越正发展史>>粵版見證我！