发信人: cywx(■大Y■)
整理人: cywx(2001-06-26 19:15:59), 站内信件
|
一般入到一间公司做新仔，通常都系惶惶恐恐噶啦，我今日返工就老老实实啦。
平时号称迟到大王的我（有参加过几次聚会的网友都好清楚）竟然可以提前10分钟返到公司。
一个靓仔开门，好热情甘招呼左我入去，知道我系新来的，指引我去一个位坐低就行返自己个位度做野了。我竟然一个人坐晒一间房啵！过左一阵，他开始安排我做野。
“公司的规矩系每个星期一返到公司都搞卫生”“干布抹台，湿布抹玻璃”。甘我就开始按公司规矩工作了，过左两三分钟，同事门陆续返晒公司，个个都好自觉甘入厕所拿左块布搞清洁，公司里面全部都系男同事。
搞左5、6分钟左右，老细返来啦，吩咐大家全部停手，交左本好靓的笔记本比我之后就叫大家入会议事开会，对上个星期作出总结。
会开到12点两就结束了，我发现呢个老细都几容易接近啊，无乜架子。
开完会，开门果个同事过来指导我工作。主要都系用autocad来画图。
我部电脑原来好先进噶，系有MMX功能的奔腾166 @_@
用的软件竟然系比我用左两年几的autocad r14仲要旧的autocad r13！
打开一张图要成分几钟，操作又唔习惯，好多习惯左的命令无得用。有鬼办法咩，距话试过升级，但因为中文字库唔兼容，如果升左的话，以前的图纸就无办法打开，所以唔升级住喔。
当个同事讲完，大家就开饭了，饭系唔知几钱一个的快餐盒饭。就响食饭的时候，我仔细打量左一下间公司——原来我坐果间房系大家吃饭的地方，仲要系成间公司唯一无空调的地方！哎，无办法，新仔嘛。
食完饭，都无乜野做，就成个下午响度适应公司环境，睇下以前的图纸，熟练一下旧版本autocad的操作，一直到5点半落班，甘就过左返工的第一日。
----
粤黎越正
建筑师
 只愿无事常相见 |
|
>>心情日记>>今日第一日返工