发信人: rambo_lin(快到斬崩刀小強)
整理人: kendya(2001-06-04 14:29:47), 站内信件
|
今日實在係無聊。走佐去一閒頗為之出名既聊天室打等。點知道一去到就有個人嘍我傾計。三言兩語後叫我今晚出黎見面。我心係到o念，正中下懷啦。見咪見。
係電話一路聽住距老牛把聲，話自己點索點好身材。我都唔係好相信。
約好7點。於是打算約距係天河地鐵站等。點知道距話距係中信返工，就係中信等啦。距又話,“你驚使錢啊？我請你啊。你係邊到等我？我開車黎接你。”
我頂~仕可殺不可辱。我都算小康收入啦。甘俾條女串我條氣好唔鋸啊！去咪去咯。雖然我都唔係見過好多網友。但係根據以往經驗+網絡無美女呢個定律，我認爲最多咪係個恐龍之中既公主。但應該都幾有錢啦。要小心行事。
就黎到7點既時候我電話響起。“我係天河體育東既‘澳門街’（哇，打個突，好鬼貴各啵）啊。你黎啦。”我隱隱約約聽多有好多人把聲，講實個心開始驚。一邊行一邊係到估，到底何方神聖啊？好似幾把砲甘哦？
係‘澳門街’門口。打通距電話，距話出黎搵我。我問距係咪有朋友係到？方唔方便啊？距話：“怕咩啊？唔使你錢啊，都話佐我請你咯！”我話：唔係錢既問題，我有D怕醜啊。
“驚咩哦？入黎先講啦，我到啦。”話口未完，只見一個長發靚女遙遙走黎。望佢嘅衣着打扮，入時到飛起啊。差唔多米七既身高，緊身褲、底胸衫再+披肩。百份百、活生生1個model啊。穿佐高跟鞋查實高我好多啦。
我不知所措甘同距行入去。見距有2個friend係到。1男1女。男既叫tommy,o安o安係美國留學返黎，女既係tommy條女，叫乜名我唔記得啦。因爲都係索到我唔係好好意思望距甘9屎啊。
我坐係到，眞係唔知講乜好，大家根本就唔同一個級數既生活環境！呢個時候，距摞距生日係‘明都’唱K既照片出黎俾我地睇。（其實應該係俾距2個睇我都有份睇睇），哇~距個個女性friend都好鬼死正啊！係距地專心睇相既時候我俾心計望下距3個身上行頭，全部都係貴舟嘢黎啵！連部手機都貴我部好幾個得步。聽住距3跟都成個鬼佬鬼婆甘滿口英文。（時不時爆2句蕃文同我講嘢，我又唔知距地講乜，我就一味笑騎騎甘：哦哦哦，真係醜死鬼甘恨自己讀得書少）我個心越黎越唔安份。再望下自己，波鞋、牛仔褲。刹那閒想搵個窿鑽入個地下。（都好彩距地好似又冇麽留意甘）
終於話走人啦。叫埋我去唱K。我老死牛話唔得閑。只見個tommy開住部BMW過黎。話車埋我哦，我話，唔使啦，我中意行下路啊。直頭想用神行百變甘松人。離遠仲聽到我個網友話：bb啦，電話聯係，得閑出黎玩啊！我心係到o念：再見？？再都唔見就真。仲未衰夠啊？
一個人行係條路到，不停!@#$%^&*甘爆粗。‘米七既身高，緊身褲、底胸衫再+披肩、英文、鑽石戒指、唔知乜寶貝石頭既頸鍊、好9貴既手機、一齊去唱K唔使我買單、BMW兜埋我返屋企。’再回憶下天使甘既樣貌。
天啊！！！！！點解你要俾我留低咁好嘅回憶又要我甘淤啊？？？？點解要甘要製造個機會黎刺激我、打擊我啊？？？點解？點解？我唔製啊！！！！
一路想喊想喊甘終於返到黎屋企，打開電腦。寫下呢個如此荒蕪既經歷。
2001-4-17 22:33:59
（因爲而家版入邊搵唔到呢篇文章啦，所以發多次啊！）
----
跆拳道@快刀小强.com
http://www.chinatkd.com |
|
>>一世難忘的見網友日記