|
发信人: cinderella_y520(cinderella) 整理人: connie_1999(2004-12-27 11:44:28), 站内信件 |
| 翻返开一个文件夹，发现有一篇很旧以前嘅文章，一篇连我都记唔起係几时写嘅野~~呵呵 。。第一部都未写完。。先将第二部贴出来先。。
唔好笑就得拉。。一直都好像用自己嘅语言写d野，可惜。。写得太差拉 可能从小系“普通话吃饭（示范）嘅小学、中学、甚至大学”里出来混嘅学生难免比人以为係“他来自北方”。。。呵呵。。见笑 ==================== 二部 学习、考试篇 系大学里，学生方面：真正读书嘅无乜几个人，好似都忘记左自己高考辛苦嘅经历；老师方面：完全无中学老师个种关怀，个个都好似係"钟点工"甘样，绝对唔会比你系非上佢堂嘅时候出现，落堂消失嘅速度比我地仲快。所以，大学甘多年来，印象最深刻嘅係学校士多店个老板娘。因为每日几乎都会系佢个度饮可乐.有时系佢个度嘅时间比上堂仲要多. 惗起某个电视宣传："求学唔系求分数。。。"其实，如果分数上唔到黎，甘可能分分钟比学校"炸取"更多嘅RMB了，就好似自动售买机甘，你想买饮料啊，米一直入银仔，入到"哔！"一声，饮料先跌落黎咯。分数唔够惗毕业啊，拿多D RMB黎"哔！"拉。 系我地男女比例严重失调嘅"机电系"，很多男同胞们都喜欢上政治课，原因係学校为了更好甘节省清洁人员，（因为睡觉嘅人太多了，公共教室嘅抬经常都係口水斑斑），安排我地同隔离系嘅班（mm较多嘅班，无计拉，鬼叫我地机电系得几件"扒类"）一起上课。 但係，讲《毛泽东思想》嘅老师，表达方式认真有问题，可能佢就自我表现感觉非常良好，经常用毛主席心里活动作为主导。成日就係个句：“我们毛主席他想啊。。。” 哎~~引用某位仁兄嘅话就係：佢似乎连我们嘅主席平常着咩under都知道甘。。。我们觉得佢好假，係当我地係一班sb啊？还係完全忽略左我地已经係成年人嘅思维啦。 师范学院走出来嘅老师唔通真嘅只识得"吃饭"（师范），d老师个个都好似认为我地唔使识中文就可以坐直升飞机上来大学甘，堂堂课都系度读教材，闷到想s，如果唔系有隔离嘅mm们调节一下眼球，"周公"那边嘅出席率一定係100%咯。。 本人严重反对"形式主义"。老师系上面扮好努力甘讲课，学生系下面扮好努力甘听课。老师经常睇表，学生都经常睇手机。何苦呢？ 与其讲努力係成绩嘅重要因素，不如讲话老师係成绩嘅主导。所以，一直我都认为，将老师搞掂，係取得好成绩嘅最好捷径。 同老师打好交道，平时见到老师多d打招呼，有好嘅印象，老师自然会留意到你，另外如果有上堂嘅话，就认真做一两次笔记，详细d，下课个时，就扮有d地方唔明请教老师，一定要比佢知道你好认真做笔记（哪怕就只係今次），老师一定会好感激你，因为佢在课堂上写左鬼s甘多字，原来都有sb人抄嘅。唔係得佢一个人在上面"发噏疯"。关系建立好左，将近考试个时，就问老师借笔记返去"研究" 其实係抄（使鬼抄咩，有复印机哩样野架嘛）。老师在笔记里面基本上有表明边d係重点，边d会考。。。 所以一个星期基本上都可以无乜去上课，老师点名就叫d朋友代为应答就可以（当然，呢个位置要轮流做，边个都想系宿舍睡到食饭），大大提高了上课嘅效率。 其实我地都好中意考试，因为係考验我们是否紧密团结系以班长(唧係在下啊)为中心嘅班集体嘅领导。 最开心当然係"开卷有益"拉。每次开卷考试，老师都会专登係有领导经过"视察工作"个时严肃地说："你地唔好以为开卷会容易，其实好多答案係书本无嘅，难度比闭卷仲要高。" 系人都知道你惗住提高自己教学合格率拉，有病个个先得闲同你翻书，梗係翻复印嘅笔记拉，借用董bb个句名言：学生好，老师好，甘就大家好拉！ 另外，闭卷考试一定要讲究"战略"与"部署"。出黎行大家都係兄弟姐妹，一定要讲义气，一个都唔可以衰（除左特别样衰口臭嘅），先将几个该科嘅高手（通常都有我嘅）部署好，周边都係"弱势群体"，传纸仔係一惯嘅做发，个个都成个"大卫高拍-----飞"甘，你根本睇唔到佢几时出手，（係经过长期训练 ，系屋企嘅小朋友学还学，千期米比妈妈知道啊），最后几个中坚力量一定要等大军安全撤退（交卷）后，才撤退。呢样，才可以确保大军全体安全。 准备补考用嘅RMB大家可以用来happy一番拉。 相信我地嘅统一部署如果比学校嘅老总（校长，对外係总经理）知道，一定为未能更好地促进RMB在学校嘅流通抱头痛哭啰。（睇佢唔顺眼，兼且严重鄙视佢！） cy 修改于:2004-10-23 ---- 
有的人說咖啡是孤獨的 不是因爲孤獨而喝咖啡 是因爲喝咖啡需要孤獨 不是因爲寂寞才想你 而是因爲想你才寂寞 孤單的感覺之所以如此之重 只是因爲想得太深！ 用你的心去攪動液體 使它湧起別樣的泡沫 心隨著泡沫的碰動而跳動 相信吧！ 用心，心總會呈現的 if i were a tear of your eyes,i will run down your cheek and die on your lips; if you were a tear of my eyes,i will never cry out for fear to lose you. |
|
[关闭][返回] |