发信人: jason_choi(仁面秀心--大头成)
整理人: cywx(2001-02-04 14:39:50), 站内信件
|
过年前扫屋时，打扫书柜，见到我好耐都冇用过嘅贮钱箱。佢个外形系一个铁夹万，曾经畀我用银油将佢重新粉饰，原来嘅颜色亦都永不见天日，有密码锁，可惜系单位数密，最多十次就可以顺利将佢打开。宜家已经唔可以喺市面度买到一模一样了，因为佢出生嘅日期可以系比我大一倍，系我老窦细个嗰阵时嘅玩具，十几年前我亚嫲搬屋时，执出一大揸旧货，跟住叫我老窦几兄弟返去各取所需，我就从嗰批旧物中揾到呢个贮钱箱，跟住我亚嫲就讲起佢嘅历史，但系详细情况我都唔记得咯。不过当时呢个钱箱我都同表妺争过，大家都想将佢占有，最终由于钱箱系我老窦嘅儿时玩具，所以最经嫲嫲最高栽判结果系。。佢属于我！表妺即时送多我一样嘢，就系佢廉价嘅眼泪。嗰时我表妹六岁。。。今年过年一问起，我表妹都二十一岁咯。。。回想，不禁会心一笑。唔知今日我将佢送畀我表妺，佢会唔会好开心呢？
----
话我花心？我系花生啊。花花世界中一个纯情小生。
|
|
>>见诚随笔>>见诚随笔--贮钱箱