发信人: leeken1975(巡航机)
整理人: fanny101(2004-07-21 15:18:12), 站内信件
|
其实白版仲未成立，我就已经系163社区逛莱逛去，终于有一天发现多咗一个叫做“白领一族”嘅地方，当时白版嘅人气唔多，每天都有人问咩叫做白领，在很长嘅一段时间里面大家都系围绕呢个主题来讨论。到宜家版主亦换咗好几批，不过俾我最深印象嘅系ｐｉｚｚａ仔，当时佢未做版主，但系佢都好负责甘为每张贴回复，好肯帮每一位版友，当佢做咗版主之后为繁荣白版做咗好多有益嘅工作。
我所以一直系呢个版驻留，而且改咗几次名，估计记得我以前嘅名嘅人已经冇晒啰。最近我已经唔经常来白版，点解？其实原因好简单，发觉白版宜家冇意义嘅水贴太多，根本冇浏览价值，贴嘅内容水平同两三年前比，根本唔同档次，宜家连转载管理文章嘅人都少度不得了，唉，唔通白版要变成同“粤来粤正”一样？毫无特色嘅版会有几耐发展呢？
所以白版要发展要从确立讨论主题开始，慢慢吸引有水平嘅版友加入，从而反过来推动白版讨论主题嘅思路嘅拓展，使白版进入一个良性循环嘅途径，再以后我哋可以建立一个“白领联盟”嘅自愿性组织，为所有白领一族提供各种专业知识帮助，岂不是一件吸引人嘅事情。
另外我觉得白领一族嘅版主制度要作出适当嘅改变，要搞任期制，任期可以系3个月，3个月后调整版主人选，可以连任，但不可以连任三次等等。
我宜家已经好少系白版蒲头，已经比较多去英文、证券投资、思想之剑等主题性比较强嘅版块，或者以后我会继续系白领一族蒲头，但系应该会等到白领一族变得有主题嘅时候嘞。
希望呢张贴可以俾大家一个参考，提供一个思路。
好耐都冇系白版写甘长内容嘅贴嘞，希望大家唔好觉得闷～～～呵呵
----
欢迎访问《瑞策网》，学多点经济知识！ |
|