|
发信人: wismar(心) 整理人: sysmax(2004-05-06 08:02:38), 站内信件 |
| 今日陪朋友去佐天河买DC
喺太平洋门口见到做推广，就入去睇睇（一期地下） Canon A75标价2380，送运动形相机套＋Canon电子表（只表都几重下） 之后过佐天河电脑城一间专卖DC、DV的连锁店（睇落去以为靠得住） 问佢Canon A75几钱，佢话2300，送皮套 我问佢喺咪行货，个销售员话喺，而且全国联保（我觉得个销售员比较唔诚实），后嚟讲好Canon A75 + Scandisk 128M CF卡 + 2000毫安GP充电电池（连充电器）共2650蚊 咁就叫佢拿出嚟睇睇部机同D配件，一睇，本说明书好似复印咁，纸的质地比较薄，我印象中，Canon A70、A80的说明书纸质地都比较厚身，觉得唔喺路，后嚟又话GP电池报错价，只可以比1600毫安，跟住其他几个销售员都围上嚟，又拿计算机计，又话嚟个价钱好低吖，冇钱赚之类（JS惯用伎俩），好在我哋够定，我同佢哋讲，你慢慢计，我哋行下先，起身就走人，点知佢哋几个销售员追住我哋，话卖比我哋，我哋理都冇理佢，走佐 之后去佐另外一间正牌Canon代理，睇过，本说明书喺厚身D嘅，而且DC号码喺打印好，贴喺盒上面（之前的水货喺手写号码喺包装盒上面），开价2350（唔包发票，送皮套） 最后我哋都喺去翻太平洋一期地下间代理买，2350（包发票，送运动形相机套 + Canon电子表） 之后上3楼数码世界买佐： Scandisk 128 CF卡：210蚊（卖DC果度话，CF卡后面贴住镭射标签的先喺正货，嚟档卖嘅又贴镭射标签，之前睇过一档冇，唔知喺咪咁区分） GP1600毫安充电电池4粒连充电器：70蚊 走人，去M记吃嘢～～ 总结：买DC如果唔喺好熟，宁愿贵DD去代理度买（当然自己识得区分喺咪代理销售点），同埋行多几间对比，尤其喺D配件、说明书。 另外，多睇几间，心中要有底，要面皮厚，唔啱嘅嘢，睇完唔买走都冇相干 ----  |
|
[关闭][返回] |