|
发信人: tracy_wong(阿芝屎) 整理人: providenteric(2004-05-04 22:15:14), 站内信件 |
| 2004年4月30日,广交会的最后一日,五一长假的前一日,我回到了我亲爱的家--广州!
为左呢次翻来广州,我居然放弃左1日的off,maintain左呢个flt.,结果俾人话我"你有病!" 有病?有病都系甘话嘎喇,离开左广州4个半月之后第一次翻来喔!虽然都知道会好累,但系... 总之就系鬼使神差就...翻左来咯....... 当部飞机开始降落的时候,我的心情就开始激动喇,不过都唔知自己激动D乜~~ 直到我通过个窗口见到陈田村,广外果排屋的时候,我就真系觉得"我终于翻到广州喇!" 等所有乘客落晒机之后,我即刻行去个飞机门度,望住广州个天,忍唔住讲一句:啊~~~~~仲系甘黄啊!跟住呼吸左一口广州的空气,又忍唔住讲一句:啊~~~~~~仲系甘污浊啊!!不过,就系呢种感觉喇,呢种就系家的感觉,虽然我屋企响河南,离机场真系好Q远,但至少呢一刻,我系离我屋企,我屋企人最近的. 然后趁住去immigration办手续的当儿,打左个电话翻屋企,同阿妈讲"阿妈,我而家系广州啊,不过系机场,翻唔到屋企啊!"果一刻我个心好难受 T_T 办完果D烂鬼手续之后翻到飞机上面,就开始等乘客boarding,等.........................................................................................到全部乘客上晒飞机可以起飞的时候,已经delay左1个钟头零40分钟喇~~~~~~~唉,真系冇野好讲!!!跟住部飞机再响runway上面排左15分钟队,个engine终于开始有动静要郁喇:加速->爬升,东方乐园个摩天轮又映入眼帘,跟住就系广州新体育馆...我系心入面讲左一句:再见喇广州,5月份我会再翻来嘎!! and then,响飞机上面同D中东佬大斗法左3个钟头20分钟之后,我又终于响SIN touch down喇...而时间已经系晚上8点40分喇.我的SIN-CAN-SIN 一日turnaround就甘结束左喇. 翻到SIN的屋企已经系晚上10点几喇,呢个时候先发现自己好肚饿,原来一日落来只系吃左一个飞机餐的main course甘大把.唉,冇计啦,唯有整两片多士吃来顶肚咯. 吃完多士冲埋凉,本来想早D训嘎喇,都系忍唔住上来写低呢篇野,呵呵,多谢各位看官花时间睇呢篇野.嘻嘻^^ 各位观众晚安 zzzzzZZZZZZZZZZZZZZ ----  |
|
[关闭][返回] |