发信人: alwaysliving(後生仔@核凸.粤黎越正)
整理人: cywx(2001-01-01 11:54:28), 站内信件
|
[背景篇]
今日，我怀住好兴奋嘅心情上路啦！
我屋企就住喺天河嘅华师，係粤黎越正之中最近天河公园嘅网友。
[前奏篇]
我11点出门口，步行咗大概20几分钟到咗车站，我坐住50路公共汽车朝住天河公园（原名：东郊公园）进发啦！
[发展篇]
我坐住50路车，嚟到咗一个叫“上社”嘅站。呢度就正係我哋粤黎越正聚会嘅公园啦----天河公园！我好记得上次（半年前左右），我喺度烧过烤，当时嘅入场费仲係3块钱,我毫不犹豫嘅攞出1蚊、2元各一张，买咗张入场票。
不过我开始后悔我出嚟得太早啦！原来嗰阵先至係11点26分。我心諗：“点解我要咁早嚟，点解我要咁早嚟！！！”明知嗰班友出咗名成日迟到啦！“点算好，点算好？”諗住，諗住。我不禁发觉到唔同咗以前嘅东郊公园哦？点解多咗咁多风筝嘅？
睇住睇住。我发觉......我发觉我好似行错路啊！！！点解我见到嘅路牌冇写烧烤场或者西门嘅？（因为我小学、中学、甚至大学都喺呢头读书，平均两三年就有起码一次嚟烧烤啦！所以我比较清楚烧烤场喺西门呢头）
原来我真係行错路啊！
[高潮篇]
好辛苦我先搵返条路啊，因为我行返以前行过嘅路啊！
终于到咗烧烤场啦！“现在係北京时间11：36！”点解仲未有人嘅？？？算，係我早啫！呢个係事实。因为我做乜都会预找做啊！冇事做，我自己就搵到一个冇人嘅位左低，睇书！“连我自己都觉得好鬼假啊！我上嘅都唔睇书啦！，依家出去玩，仲睇书？？？”
好啦！我等到11：45啦！仲未有人嚟嘅？
有个人好似四眼仔？原来我认错人，好彩冇叫到出嚟！係我嘅近视又犯啦，成日唔中意带眼镜。
[收波篇]
11:50啦？又係四眼仔，呢次唔会错吗？隔离嗰条友有条鞭嘅？
hoho啊!!!
不过，等我行到去，成4个人，都冇一个认得我哦！
你班PK仔啊！最后係hoho讲咗句：“啊！原来你嚟咗啦？”
----
搵我咩ICQ啦(靓№33373232)（少上，少上）;
都唔得咩！
OICQ啦(3978371)!!! |
|
>>天河公园烧烤前记