发信人: jason_choi(笨小孩（甲）大头成)
整理人: cywx(2001-01-01 11:56:35), 站内信件
|
新社区正喺度热烈咁样样搞紧粤嚟越正版副嘅选举，多个人嚟到整理呢个版当然系好事啦，但系我想喺度讲一讲我自已嘅意见。
粤嚟越正版从我嚟嘅第一日开始已经系充满住一种自由嘅气氛，冇主题，冇严格嘅发文制度，闲聊式嘅讨论，系呢度嘅最大特点，亦都系我自已钟意呢度嘅主要原因，从旧社区搬到新社区之后，形式，实质上应该都冇乜大变化呱，版主太阳，版副大歪嘅工作从旧社区到新社区都一样做得咁好，唔会好似隔离版咁样不时就有人唱话要炒版主啲嘢，由此睇嚟多一个版副嘅作用唔系咁大，如果真系为咗好似嗰行流动文字咁样话系因为要搞旺呢个版 嘅人气而要选 多个版副嘅话，我认为唔单止系对当选版副嘅人唔公平之外，仲系对呢个版副嘅位嘅一种讽刺。拿！你当选版副，唔系因为你做咗乜对呢个版嘅贡献啊，系因为我哋要搞旺呢个版而做咖咋，不过最终都系要有个人胜出嘅，咁你好彩，你赢咗，你做啰！
好话唔好听，如果到时呢个版副无理删人水，或者有乜差错嘅话，就会有人话，你有乜咁巴闭啊！你都系乱世做英雄咁样做出嚟嘅啫，完全冇民意基础嘅。。。
用啲比较严肃嘅讲法就系，设立呢一个位，系因为版务需要定系因为其它原因而设呢？如果真系有咁样需要，系唔系代表两位版主能力有限，功夫做唔到家呢？如果唔系，咁又有乜必要搞个咁样嘅位啊？政府部门嘅人浮于事就系因为有一个人喺度冇嘢做，所以要设个位畀佢，而唔系一间成功嘅公司话，我需要一个做咁样一样嘢，所以我要请个咁样嘅人。目的唔同。。。
所以我想请版 主版副再三思考一下，设呢个位嘅目的。。。唔好因为搞呢次选举而将一批人分化。。分派。。因为我已经感觉到有啲咁样嘅形迹。。。。
----
[31m[1m凡所有相皆是虛妄，如露亦如電，應作如是觀。[0m[30m
|
|
>>粤嚟越正版副选举之我见