发信人: leekeen(巡航机)
整理人: z9z(2004-02-02 13:23:56), 站内信件
|
今朝早吃咗早餐后就出门口啦，11:30准时到咗天河公园门口，点知道……冇人！拿拿声发咗个短信俾木木，跟住佢回咗个短信返过来，叫我系门口等，于是就企系条门柱落面等啦，做咗N分钟“柱”男之后，终于等到木木嘅电话，原来佢哋系万佳买完嘢先至过来，终于见到pizza、木木、卡卡卡、 cinderella、天蝎.com、肥典型好男人、猫、小婷、绿茶、……仲有几位帅哥美女添（都唔知道边个打边个啦）。
千辛万苦之下终于揾到烧烤场（行咗好鬼远先至到啊），而且揾到个好靓风水嘅半山位添。咔咔。pizza不愧系版主亲自去咗租炉，跟住就开始开大食会啦……
食物篇：
鸡翅（一定要有啦，虽然宜家有禽流感）、排骨（几好味）、大肠仔中肠仔小肠仔（反正就系肠仔，分唔清楚边种打边种）、粟米肠仔（我冇食过，听讲几好食，俾人分晒，55555）、猪扒（冇食过，其实我好想食。咔咔）、粟米（睇见烧得好黑，唔敢食）、肉圆（发觉人哋烧得俾自己烧嘅好食。咔咔）、面包（未有嘢食时个个都揾呢样嘢来充饥）、茄瓜（冇食过，好似几浪费）
美女印象篇：
绿茶、猫……贤妻良母型，付出好多，吃得好少。咔咔
cinderella……又系贤妻良母型，付出好多，基本冇吃。咔咔
木木、小婷……识饮识食型，付出好多，吃得又好多。咔咔（唔好打我啊）
包包……动口不动手型。咔咔。记得好似俾我踩咗一脚。
小云、啤啤影……唔知咩型，因为中途入席唔系好留意。
仲有D咩皇帝妃子，关系复杂，搞唔清楚边个打边个，所以唔敢乱写啦。咔咔
帅哥印象篇：
pizza……领导型，多动口少动手，有太多嘢由下属孝敬。咔咔
卡卡卡……分甘同味型，同我同人哋都分享咗唔少食物。咔咔
天蝎.com……稳定型，一直坐系cinderella身边一齐烧嘢食，记得我抢咗佢一只鸡翅！咔咔。系呢度向佢道歉。
德德B……游弋型，睇见边度有嘢食就会见到佢嘅身影。咔咔
829……势凶夹狼型，唔单止自己积极烧嘢食，而且仲到处揾嘢食，俾包包影咗几张全场最靓仔嘅相。咔咔
有几位靓仔唔知道叫咩名啊！唔敢乱写啊，费事张冠李戴啦。咔咔
我……怕羞型，第一次参加白版FB，同D靓仔一齐比较多，希望自己都靓仔D啦。咔咔。因为唔系几熟，所以基本上都冇同D靓女搭讪。咔咔
BBQ经过：
开始烧嘢食个时大家都比较拘谨，都好乖甘围系个炉旁边，随着大家越来越熟，特别系中途加咗唔少人入来，又唔够位坐时，气氛就变得越来越活跃，而且笑料不断。到后尾居然出现四部数码相机！！！甚至出现打野战抢拍嘅情况。咔咔。而且战情极为激烈添。咔咔。
整个活动于15:50告一段落，主力人员继续去唱K啰。每个人最后花费咗28蚊（活动费用＋门票）。 |
|