|
发信人: seweetcat1437(笨猫^_&) 整理人: erinfang(2003-08-12 01:34:22), 站内信件 |
| A.狂踩篇
1.Biotherm 排毒乳液（唔好用，出好多暗疮） 2.Biotherm Aqua Source（绿色装）---哇...冬天用唔够润又出油，出去出边一下就干晒。夏天用好似搽猪油，仲话咩几千公升矿泉精华窝...唔好买啊，唔好买啊 3.Lancome Hydra Control Mat,控油？控你个死人头，出得仲快过以前!!!差差差 4.Biotherm Biopur晚间控油乳霜---哇...劲干，我都系宁愿出油喇，不过呢条line早就被人唱臭晒，唔使讲 5.Loreal Double Extend双头睫毛液（效果太夸张，而且有熊猫眼，问心个句，呢只产品其实唔系差，但真系唔适合东方人） 6.Sheseido Skincare--成条line都劲差！！无论系日霜晚霜还是眼霜都唔掂!无效果！！顶！！！油！！ 7.Bodyshop Eye Makeup Remover---死得人多，用来去防水睫毛液，一条都去唔倒！不过都好，测试出我支睫毛液防水都有翻甘上下 8.Biotherm 活泉激活精华液---效果都ok,皮肤系湿左,毛孔都细左少少,但无广告讲得甘神奇，而且甘既效果唔值甘既价钱,不过只味真系几好闻 9.Lush Wow wow面膜----呢只系KT推荐过既,但我觉得唔系甘适合我,反而呢只牌子另外有只青提面膜几适合我地呢D混合性皮肤既JM B.推荐篇： 1. Clinique天然眼部卸妆液，温和得黎去得好干净，而且几润几舒服。 2.Lancome Deinicils睫毛液（防水）---有口皆碑，唔使讲 3. Clinique宛如再生---劲好用，绝对值得翻转头.首先系对毛孔大好有效,第二,有小小控油效果,第三,去印效果唔错,跟住就系皮肤会变得细左,滑左,唯一有小小缺陷就系唔补水 4.Clarins Contouring Facial Lift----好多模特都推荐既紧急瘦面产品，去水肿劲有效，中意！用左之后轮廓会现出黎.而且用左之后皮肤滑左！ 5.Lancome Clarifying Exfoliating Gel，有两种磨砂系入边，一个星期用一次，皮肤有光泽 6. KT推荐个只 Bodyshop Blue Corn深层清洁面膜，一句讲晒，好干净，好好！又平！超喜欢 7.Origins Out of Trouble暗疮护理面膜---涯夜后用声称可以防止暗疮产生同埋去角质，令皮肤有光泽。我觉得呢只产品去暗疮效果唔系甘明显，但系，如果涯通宵再敷呢只面膜，就算搞到几残都好，敷完之后毛孔会收细，无晒角质，块面上妆好靓，而且敷既时候有清凉既感觉，好舒服。 8.Origins去浮肿眼霜----感觉几好,我只眼平时成日浮肿,搞到一只单眼皮,一只双眼皮.坚持用左2个星期之后呢种情况少左好多.不过呢只眼霜唔补水,所以要配合其他眼霜使用. 9.Cinique All About Eyes眼霜----我极力推荐呢只眼霜,好好吸收,可以同时去黑眼圈,眼浮肿,眼袋同皱纹,而且价钱唔会吓亲人.我用左一轮之后觉得眼部皮肤既状况好左好多! 其实我都唔系咩专家,不过好中意买护肤品,而且中意自己做白老鼠.睇睇下先发现自己买左甘多野，而且好多都系晒钱，好似Biotherm甘，又贵又唔好用既野。希望呢个review对各位理智购物有帮助啦！ ---- |
|
[关闭][返回] |