发信人: elinlin-gz(天空一片蔚蓝)
整理人: erinfang(2003-08-01 00:19:40), 站内信件
|
其实我响早三年前就已经用紧呢只牌子嘅野，因为有个朋友系响拒地嘅代理商度做野，用过他家的包括一套香熏基础护理、去死皮素、海泥清洁面膜、果酸补水面膜、美白补水面膜、水油平衡露、眼霜等，有无漏到我自已都唔系好记得啦，D名可能有D唔同，但大至意思咁上下，见依家特然间兴起讲呢样野，我就凑个热闹同大家讲讲使用心得啦。
首先讲明，我用嘅所有他家嘅产品全部都系直接从法国进口嘅，而依家响柜台度SALE嘅产品就系从法国进口原料，响上海分装。品质照计就应该系一样嘅，但系我朋友话经过呢一个程序，始终会有D唔同，所以建议我都系用番原装嘅会比较好D。费话少讲，进入正题。
香熏基础护理：包括洁面啫喱、爽肤、面霜。
呢个系列系他家产品中最清爽嘅系列，主要适用于油性同混合性皮肤。介绍话有控油效果，但我用落就唔多觉。只产品嘅香味见好闻，但我LG就话香得滞，呢样野就见人见智啦。主要系只洁面洗完后会觉得几舒服，一D都唔会干，爽肤嘅补水效果都几好，擦完有水水嘅感觉，至于面霜我就觉得唔够爽啦。总体来讲呢个系列我都几满意。
去死皮素：
呢只产品嘅用法系洗完面响块面度薄薄敷上一层，等干左后轻轻搓甩拒就可以啦。感觉好温和，一D都唔刺激，而且死皮去得好干净，我试过用完两日后去做FACIAL，个美容师话我一D死皮都磨唔出来，所以效果应该几好。
海泥清洁面膜：
作用应该同绿泥差唔多，我未用过绿泥，无得比较，只能够讲下呢只产品嘅感觉。敷上块面个阵会有D刺激，但好快就会消失，等干左后用水洗干净就得啦。呢只野嘅作用系深层清洁，我个人就觉得几好用（因为未用过其他好野，比如绿泥或者冰河泥，所以唔知其他野会唔会更加好），系我会一直购买嘅产品。
暂时讲住咁多先啦，因为要开工，唔得闲打咁多野啦：（ |
|