发信人: benny_fzb(Benny仔)
整理人: mathis1222(2003-06-01 02:47:38), 站内信件
|
| 94年嗰年好遗憾，我冇乜睇甲A，从95年认真开始睇。嗰阵读初中，我记得我哋一班同学踢波之余都聚埋一齐谈论下太阳神，而且中意将彼此叫成某个太阳神队员个名。不过嗰阵冇去过现场睇波。四支广东球队响甲A，作为广州人真系好开心咖！高中开始就开始有去睇现场啦，可惜嗰阵广州足球已经走紧下波路啦。但系依然好享受同一大班球迷一齐为广州队呐喊，一齐“表裁判”，一齐哎“胡椒”！！仲有，冇时间去睇波，我哋都会带住部WALKMAN仔听张达斌激情嘅评述。不过高三嗰阵太阳神就降咗班啦。真系好失望，亦都少咗去现场啦，因为多数都系失望！！开始冇咩心情留意国内足球啦，因为甲A水平低，而且真系好假。开始中意至爱曼联，但作为一个地道广州仔，又点会完全吾想过问广州足球呢！！大概两年前挂，原太阳神竟然衰到连甲B都要响最后一轮补组。如果嗰日吾系阿婆生日就算冇人陪我去我都去现场睇！！响电视直播度睇到最后一刻一个我已经吾记得名嘅非广州籍球员为广州队射入补组一球嗰一刻，眼泪真系忍吾住留出！！全场球迷都好兴奋，虽然好悲哀，我哋竟然要为补组甲B而兴奋。但喱球保住咗我哋广州足球嘅命根！！衷心希望中国足球能够以及联赛水平能够达到一个令世人关注嘅程度，而中国顶尖联赛中有我哋广州队嘅存在，而且作为一支世界级嘅球队。哪怕当时我已经好老，但就算掺扶拐杖我都要入去主场为我哋主队加油！！ |
|