|
发信人: qdanger(蛋白质女孩) 整理人: g_w_g(2003-07-15 20:27:40), 站内信件 |
| 因为两个朋友嗝失约，后尾都喺由好好嗝CAT陪我食饭兼且饮啡。
傍晚开始落好大嗝雨，我几步一停咁，终于喺晚上八点时到达建设六马路嗝大班过桥米线用晚膳。 完后，就同猫去左对面荣建大厦二楼嗝Cafebuongionor，听猫讲果度嗝espresso唔错，话d口味应该岩我，于是乎我就嗌左杯double嗝试下。 杯expresso都唔错噃，喺我至今为止响广州饮过最正宗嗝expresso，可能因为老细喺意大利人嗝缘故呱。果度咖啡嗝种类唔喺好多，比较注重左espresso啰。不过，净喺有部espresso咖啡机响度都已经弥补左好多不足啦。而且价钱又唔好贵，20元/杯。 猫点左一只三文治，不过好奇怪，包身喺法国面包，中间夹左一片薄薄嗝火腿肉，仲有一d嗝芝士。因为法包嗝特点就喺硬，加热左嗝火腿片亦都好硬，因此成只三文治都变得异常地硬。令我觉得新奇嗝仲有一点，就喺个三文治嗝外观好似美国嗝热狗，不同点只喺中间夹嗝唔喺香肠，喺火腿片嗻。 隔住落地玻璃响二楼睇落去，落雨隔夜景响灯光嗝映照下只feel都几正。特别喺雨水均匀咁挂喺玻璃上边，反射左街灯嗝光芒，一颗一颗，好似天上闪亮嗝星星。bartender话（因为佢嗝名我唔记得了），块玻璃每隔一段时间都会有专人清洗一次，所以清晰度都唔会差，而且玻璃果面朝向喺东面，完全唔会收到日落酷热嗝影响。下昼、夜晚都一样咁正，落雨就更加之唔使讲啦。 只不过店面比较细，大概只有十平方度，吧台就占左三分之一嗝面积，只有两个靠窗高凳，同一小张靠墙圆桌，容纳五人就已经有逼夹嗝感觉。 可以上网，WindowsXP英文版，无线Logic鼠标、键盘，液晶显示屏悬挂喺座位上方，抬头太耐可能会攰噶。 Tiramisu用杯装，似雪糕，30元/杯，冇试。 总而言之，几好。大家可以去试下，但喺千祈唔好超过三个人，咪先坐唔埋一齐噶。 ---- 姓名：蛋蛋 家庭住址：被人遗忘的角落 属性：角落板斧，光棍一族板斧 爱好：咖啡文化 蛋蛋有礼了。。。 
|
|
[关闭][返回] |