|
发信人: bborange(仇千丈vs仔仔) 整理人: scanzhang(2004-06-09 19:28:56), 站内信件 |
| 我唔敢夸口自己睇NBA有几耐历史，我净系记得，第一次睇JORDAN打波距着45号球衣。果阵已经系总决赛。。。。。。
后来我先知道，距本身系着45号，不过件球衣退左休。果阵觉得好好笑，球衣都有得退休？？再后来先知道，球衣退休，系对运动员0既敬意。 再次睇JORDAN，距已经着番起23号，经历左惊人0既72胜，经历左同爵士队惊涛骇浪般的两届总决赛，创造出不可思意的第二个三连冠，响距达到顶点0既时候，再次退役。 99年，当NBA进入“后乔丹时代”，我暗自庆幸，自己起码曾经见证一代飞侠创造出来0既辉煌，而非好似而家我地讲起张伯伦，讲起Dr.J,讲起小鸟布特，讲起Magic Johnson 0甘，只能从历史资料片段找寻距地曾经0既辉煌。感谢卫星科技，等我地可以几乎同步地感受到比赛的起伏带来的神奇魅力。起码，我地可以感受到比赛的不可知性带来的每次肾上腺素上升的刺激。 能够目睹历史的创造（虽然系响地球另一端从卫星讯号中目睹），比熟背百年历史来得更有意义。 2001年，我地又有幸目睹JORDAN的再次回归，有幸目睹英雄迟暮0既一代波神。响我眼中，距能否得分已经唔再重要，响NBA里，距已经唔系球员，唔系人，都唔系神。距系一个象征。一个吸引力(Attraction)0既象征。有人话，距复出系一个错误而愚蠢0既决定，因为距0既表现会抹去距美丽0既回忆。然而，距无法抗拒篮球的吸引力。我们也系如此。当我严重受伤，被告知以后都唔可以做剧烈运动，包括篮球的时候，果种内心好似被万蚁咬噬的感觉我真系好得人惊。JORDAN，一个天生注定要献身比篮球0既人，要距舍弃篮球，距0既痛苦有岂系万蚁咬噬能比？ 无论如何，我地仲系要感激距，世界上有几多人系因为距而爱上篮球？虽然好多人之后都有左另外0既偶像，但系，问心果句，你可以否认吗？ ---- 
大家一齐饮胜！ |
|
[关闭][返回] |