|
发信人: su_mi(银公主) 整理人: bb.1981(2003-04-02 19:05:14), 站内信件 |
| 记得第一次买左只白雪雪既北京狗返屋企，同佢改左个名叫做BoBo。见到佢净係食饭果时先有力起身食，原本以为佢係饿亲，但係发觉后来连食完饭都係噤，所以决定带佢去睇医生。跟住医生话佢肚入面有好多虫，而且好细只，最多都係出世1个月，可能医唔到，阿妈就话尽力啦。医生好艰难先稳到佢条血管，打针、吊针。好多去宠物店既人都话“哩只猫仔好得意！”其实佢係一只狗仔，我不断噤同果D人讲。可能因为佢真係太细喇，把声叫得都好似猫仔。果晚宠物店好迟先关门，因为BoBo一直喺度吊紧针，佢叫得好痛苦，我好无奈噤望住佢、用手抱起佢，原来，佢先得同我只手噤上下大。阿妈问医生可唔可以调快D个针管，等BoBo快D吊完，唔使痛噤耐，医生望下佢又望下个针管，摇住头噤话：“已经最快，佢太细只会受唔到。”好唔容易吊完针，佢个肚仔已经涨晒，一直训喺个笼度起唔到身。到左深夜，佢一直喺度叫，叫得好凄厉，阿妈起身陪佢，陪到佢训着为止……
到左第二日，BoBo食完早餐，屙左条成10几厘米长几白色虫出黎，条虫仲喺度郁紧，我将条虫踩到血肉模糊之后，同阿妈带住佢又去过医院。原本以为佢会有得救，因为佢比寻日睇起身精神左，但係医生摸下佢之后话佢肚入面仲有好多虫，要继续吊针食药，建议我地俾佢留医观察。噤岩又见到我姨妈一家3口带只狗仔黎健康检查，我姨妈只狗狗岩岩买返黎果时又係病到五颜六色，都係喺度医好，所以我同阿妈陪佢吊完针之后，就好放心噤将佢交左俾医生，医生都仲係果句：“我地尽力啦，但係唔知救唔救到。”临走时，我同阿妈隔住玻璃望下佢，佢又望下我地，D眼神充满左绝望同恐惧，阿妈话为左佢好，都要嘎喇。果时我仲满心欢喜噤以为佢会好返…… 傍晚时分，宠物店个医生打电话黎，叫我地有时间就去罗返D钱，BoBo喺我地走左之后无几耐又屙左几条虫出黎，跟住就……好平静噤收左线，我坐喺房度喊，而阿妈就喺个厅度喊，我地同佢一齐都唔够两日，佢噤就走左喇，我地同佢讲果句Bye-Bye，就真係成左永别。 生命真係好脆弱，虽然BoBo係一只狗狗，但係佢喺出世到死去哩短暂既1个几月里面，就已经尝尽左人世间既痛苦和悲哀。作为佢主人既我，喺佢生前唔可以好好噤疼锡佢，而家唯一可以做既就係写哩篇文章，纪念一下曾经有只可爱既狗狗同我一齐经历左佢生命里面最后既24小时…… 直到而家，我宁愿相信BoBo其实无死到，只不过係医生因为觉得佢太可爱、太钟意佢，所以自己收埋左带左返屋企养。但愿佢无论喺咩地方，都生活地幸福快乐…… ---- 
遗憾就是树欲静而风不止…… 遗憾就是子欲养而亲不在…… 遗憾就是当你想起来恨不得去死的东西…… |
|
[关闭][返回] |