发信人: rotouki(番茄先生)
整理人: franklin6610(2003-02-20 11:22:43), 站内信件
|
睇完香港电台嘅《铿锵集》，内地非法劳工落香港同香港人争饭食，
导致香港失业率高企。对于低迷嘅香港经济，可谓百上加斤。
今日嘅香港就係听日嘅广州。今日嘅广州全面开放，美其名曰：引入
竞争机制，接轨国际社会。
但係，好多人都睇唔到其中嘅隐忧！大规模嘅外省廉价劳动力（无论
係体力型定知识型）正蚕食本地劳动人口嘅饭碗！过年前嘅报纸话，旧年
外地人从本地汇番乡下嘅金额有６０亿。大家试谂下，汇走都６０亿，咁
应该至少有过百亿嘅工资袋咗入外地人嘅袋，而不计其数嘅本地劳动人口
因而失业。“下岗”、“内退”之声不绝于耳，窃以为，同大量外地劳动
人员涌入本地不无关系。
外地劳动人口以低廉嘅工资（好过乡下）、超长嘅工时（反正八个钟
之外都冇其它嘢好做）、毋需劳保等手段争赢本地人，导致雇主为咗节省
成本而大量聘用外地劳工，旧有企业遭受冲击而倒闭就唔出奇嘞。
世界各地都有法律保障本地劳动人口嘅就业。而中国就冇呢类法律去
保障本地劳动人口嘅饭碗，令到啲外地人仲“懒”得戚！每年仲要由乡下
拖男带女，继续同本地人争饭食。长此下去，广州都会好似香港咁样失业
高企。啲外地人揾到钱就拎晒番乡下，本地人就冇工做，又冇人愿意拎钱
出嚟消费，造成恶性循环。其后果，大家可以想象。
照咁落去，广州想发展经济，成为国际化大都市？好！－－难啦！
----
番茄红素係番茄、西瓜、红肉西柚等带有嘅天然色素，
属于胡萝卜素嘅一种。番茄红素唔单止係一种色素，而且佢
仲係一种特效嘅抗氧化物，对抵御退化性疾病，包括癌症等
有显著功效。
各位男士注意嘞！！
~~~~~~~~~~~~~~~~~
根据哈佛医学院一项进行咗６年嘅研究显示，进食番茄
及番茄制品，同降低患前列腺癌嘅机会21～34％有关（视乎
食物而定）。
各位女士注意噃！！
~~~~~~~~~~~~~~~~~
伊利诺州大学（University of Illinois）研究指出，
体内番茄红素水平高嘅女性患上子宫颈癌前期症状嘅机会，
比番茄红素水平低嘅女性低５倍。
～～～
亦有其它研究结果显示，番茄红素有抵御口腔、咽喉、
食道、胃、结肠及直肠癌嘅功用。
但係，人体係无法合成番茄红素嘅，必须通过膳食嚟
摄取。而响所有番茄红素嘅来源之中，以番茄所含嘅番茄
红素最高。
所以，大家如果想身体好，就要多啲听番茄先生讲，
食多啲含番茄红素嘅食物，例如番茄、西瓜、红辣椒同埋
红色葡萄柚。
仲有，就係睇番茄先生嘅作品都係有帮助嘅！至少，
会令你嘅前列腺或者子宫颈保持活跃同健康状态！ |
|