|
发信人: k_club(Kの请到电台版~) 整理人: g_w_g(2003-04-16 18:53:44), 站内信件 |
| 睇过一篇文章，其中有一句话：
有人会拒绝龙井，有人会拒绝咖啡，可没有人会拒绝纯净水…… 细谂之下，觉得真系好有道理…… 曾经，我问过以前既一个女朋友，我，系乜野？ 区谂左好耐，答，咖啡……仲系斋果只…… 我问点解，区话，因为我比区既感觉就好似一杯Espresso甘，好浓烈，好香醇，仲特别多渣同杂质…… 我问，甘即系好定吾好？ 区答，好，不过只系对于我，因为，我好钟意饮咖啡…… 于是，由果时开始，我每次去Cafe都只系点Espresso…… 其实，Espresso有好多种，其中最传奇同精彩既系Espresso Macchiato…… 曾经系啡版睇过一篇野系甘讲既…… Espresso Macchiato同Cappuccino一样，系咖啡加牛奶，唔同既系，Espresso Macchiato中唔会落Steamed Milk,只系有一DD既Foamed Milk飘浮在浓烈的Espresso之上，无需融合，在呢度，牛奶与咖啡系分明既，细柔既泡沫保持住Espresso的温度与香气，传说，是爱与被爱既关系，是奉献与接受，就好似寒冷冬夜既拥抱。 好多人以为，呢种配搭系适用系早餐度既，但其实区地错左，呢种搭配唔同于早餐既黑咖啡与糖粉末面包，尽管牛奶仍系牛奶，咖啡仍系咖啡，但他们是相依存既，紧紧相拥到边个都唔能够将区们分开，就好似恋爱果时既人甘，我依然系我，你依然系你，但无人可以将两个人分开？ Espresso Macchiato，表现住一种关爱，咖啡系你，牛奶系我…… 系果个女仔将Espresso Macchiato介绍比我识既时候，我只系得十几岁，根本唔识得甘多所谓浪漫既野，我只系谂，既然我系咖啡，甘米做好我既咖啡咯，只要我有晒一杯好既咖啡应该有既野，呢个世界既人，一定会欣赏我…… 过左好耐，我先发现事实唔系……原来，呢个世界上，除做咖啡之外，仲有好多可以用来饮既野…… 我果个好钟意饮咖啡既女朋友，可能因为怕热气既缘故，饮左几个月咖啡之后，结果就走左去饮M记既奶昔喇…… 于是，我就谂，原来奶昔系好饮过咖啡既…… 然后，我就好努力甘去将自己变成一杯奶昔……结果，我慢慢由一杯斋既Espresso，变成一杯Espresso Macchiato，再变成一杯Cappuccino，最后变成一杯Latte…… 系，系我最讨厌既Coffee Latte……但系我的确变左一杯好甜好腻既Latte…… 跟住，我遇上左一杯纯水…… 正如我个F比我睇果句话一样，我并无抗拒区…… 于是，Latte再混入左纯水，变左一杯Au Lait，用我既一个朋友既话来讲，简直人唔似人，鬼唔似鬼…… Au Lait都知道自己好奇怪，于是就问纯水，我而家甘既样，会唔会好怪？ 唔会啊～纯水既眼里面闪住光，答道，我好钟意你而加甘样啊～,仲唔会好似以前甘热气添…… 于是，Au Lait就信以为真甘好开心甘去做一杯好既Au Lait…… 过左唔系好耐，纯水可能食得甜野太耐喇，就再都唔饮Au Lait，换左Royal…… 今日，行入一间Cafe，终于无叫到Espresso，谂住试一试Au Lait，先至发现，Espresso系卖得贵过Au Lait几乎一倍既…… 呢个时候，我先终于明白，原来，一切，并唔系视乎你系乜野，而系，要视乎人地而家兴饮乜野…… ----  
赐予我不输給自己的坚强吧，相信自己將能够成为一個坚强的我…… 活著，希望便從不熄灭…… --------《圣经》纱罗门 好多人叫我K仔，但系你地真系见过K仔未？～～ 
无论系软性毒品定系硬性，都系会上隐咖，各位千企吾好试吖 |
|
[关闭][返回] |