发信人: mfgr()
整理人: airken(2003-02-07 02:15:40), 站内信件
|
吾知大家有无睇刚才拜仁百年庆典邀请赛。觉吾觉得省有线体育果个主持讲得好
差。都吾知他系边个（好似曾经见过，但吾认得），系边度黎0既。讲得0甘鬼差
0既。明明吾识0的球员，系要扮到好鬼熟0甘。而且一听就只他根本吾识睇波。仲
有就系成日都扮到好似好幽默0甘，可惜听左就系笑吾出，仲会觉得他好烦添。赵
达裕则好0的，吾识0既人就讲num,而且对一些战术都分析到。如果继续找这种人
讲波，实会流失晒0的球迷，0甘中国足球仲点发展啊？现将他在讲波过程中部分
错漏与不实之处列出如下：
皇马VS加拉塔沙雷：皇马2号,从开波到他离场，一直话他系Salgado（港译沙
加道，内地译沙尔加多），其实他系Geremi即基列美（港）或可叫格雷米（内）
，两个人肤色差0甘远都会错，真差！到真正0既萨加道替换基列美入场时，又讲
成系希古华（Helguera)。仲有一开始就将古迪（Guti）讲成麦马拿文（Mcmanam
an)，后来先改正（不过无道歉）。仲有连摩连迪斯（Morientes，9号）同Monit
is（摩里迪斯，23号）都分吾清，有时又将23号讲成系Cesar（斯萨,巴西籍，本
场无上）。还有下半场出的皇马20号，他话系Balic（巴列治），虽然我吾认得，
但据我所知Balic已被租借出去，所以此人应该吾系。再有经常将加队的球队叫做
加拉仔，我从未听过呢种叫法，真系乱帮人起名。
曼联VS拜仁：屏幕打出场名单，他见与自己手头名单不符，居然话对方电视
台出错；曼联有Giggs、Stam、Johnson、Iwrn、Schouls、五名主力不在首发阵容
，他居然话曼联主力全部出齐；镜头映到观众席上Sergio坐在Eber旁边，他吾认
得，仲话人吾知去左边；映到Janker在观众席食香口胶，又将人讲成食烟，仲话
影响形象添；吾认得曼联的Fortune(南非籍），仲话连他自己都吾识真系出奇，
之后又帮人起个名叫小强，其实此人上赛季已转会至曼联，吾好话系他孤陋寡闻
；22分钟，Butt系中场传球被Scholl截到，将Butt讲成Schouls；25分钟，Beckh
am开角球，Cole摆渡，York倒挂塌Q，他居然大叫一声："一定系高尔。"然后拉个
近镜见系York先改正，做主持点可以0甘武断嘎；50分钟，Beckham射失点球，又
讲呢0的波平时应该系York或Kean射，不过友谊赛就卑Beckham玩下啦。其实熟悉
曼联0既人都知penalty一向都系Iwrn包办嘎啦，只不过他这场无上，就求其一个
都得啦；62分钟，Zickler头球破门，当时两人吾知讲紧物（反正吾系讲波），入
波之后睇慢镜，除左识讲"好靓"之外就无第句；68分钟，Zicker攻入第二球，拜
仁3比0领先，现场球迷高呼"Zicler"，他居然翻译为"边个啊？";72分钟，讲曼联
近几年从未试过输三球或以上，其实上赛季就输卑Chelsea五波，前两年又大比数
输卑Southamton，应该讲曼联每年至少会有一两场大比数输波；从77分钟开始，
讲落雨居然讲左5分钟有多，直到83分钟.......
纵观两场比赛180分钟，其真正评述比赛0既时间加起来都吾知有无30分钟。
而且仲经常拿国内联赛作比较。看到0既系高水平球队0既比赛，听到0既却系国内
低水平0既联赛同许多题外话，两场比赛就0甘卑两个主持糟蹋了。开始果阵赵达
裕仲一心一意系度讲波，到后边都卑果条友拉埋落水讲第样野。
睇黎，国内0既体育解说员素质都系差嘎啦。试问连呢点都做吾好，仲点样提
高中国足球水平啊？希望电视台第日找0的真正懂足球0既解说员啦。
--
※ 来源:．月光软件站 http://www.moon-soft.com．[FROM: 202.105.36.200]
|
|