发信人: pjhkyopan(辉哥仔)
整理人: zz-zoo(2003-02-03 03:15:44), 站内信件
|
如果仙剑2唔係仙剑2，而係一只普通嘅单机RPG，我觉得佢都过得去。2D画面几好，3D嘅武侠RPG我总觉得不伦不类。操作都唔错。但就係因为仙剑2係仙剑2，大家对佢嘅期望都好大，但玩落真係觉得冇乜感觉。大家都冇希望佢可以做到同仙剑1一样咁轰动，只不过佢同1代嘅感觉真係相差太远。最大嘅原因我唸都係佢描述几个男女主角之间嘅感情太模糊。当初1代，讲嚟讲去都係生离死别嘅爱情最感动人。但二代。。真係交代得好模糊。。可能都係因为佢嘅剧情太短有关啦。
另外仙剑2嘅BUG都几多下。。我发现嘅几个大BUG，就係如果李忆如係队伍里面，打BOSS嘅时候按Q逃走居然100%成功而且当打赢，只不过冇经验。打最后BOSS就啱晒。。。另外有好几样物品如果拿咗一个以上，就会自动消失。比如我打咗一个止血草，係物品栏可以见到，但如果再打多一个，物品栏就见唔到有止血草哩样嘢。。
最后我觉得有人评论仙剑2做得点差点差都係无可厚非。100%人玩仙剑2都会将佢同1代比较，而99%人都会觉得佢做得比1代差。係大家对佢期望太大啫。学麦兜话斋，“火鸡肉都係第一啖好食，之后嗰啲都係食开就食埋落去架啫”，玩仙剑，1代好玩，2代只不过係玩开玩埋落去啫。如果可以将仙剑2唔当係仙剑2咁玩，咪唔会觉得佢做得差囖。。呵呵。。。 |
|