|
发信人: peggy.(小于爱靓仔) 整理人: bb.1981(2003-03-24 13:39:16), 站内信件 |
| 2002年11月24日系我生命中一个最重要的一日，虽然我晤知道自己其实系咩时候生的，但妈咪话以后呢日就当系我生日。话说我个日岩搭完广西长途车去到南海宠物批发市场，个老板娘系度同我仲有一起系广西出来的几个兄弟姐妹洗白白。突然听到有把女仔声哎“小于，你睇下呢度都有你中意的吧哥啵”跟住有3个mm入左呢间铺头，带头个个女仔好熟路甘捉起我旁边岩冲完凉的大眼仔好似验c甘撑开区把口，又妈开区只髀睇黎睇去。我就一眼望到跟系后面个个长发mm，好有亲切感啊！后来先知道，原来我地系同乡，怪之一见钟情啦！于是我毛都未吹干就不顾一切甘扑埋去，揽住区只脚，不停甘同个个mm讲“靓女~~ 我地系米系边度见过嘎~~”个mm抱起我望左下旁边一副忧郁眼神的大眼仔，犹豫左一阵，我就更系晤执输衬区抱住我个阵成机嘴左区一野，跟住更系使出我最杀食的眼神起势放电仲不停甘同区讲“靓女，我好中意你啊，不如你带我返去啦”。果然个mm受晒电，抱住我一副着迷的样子问老板娘我的身世（就系呢个老板娘好晤负责甘话我系男仔，搞到我后尾有左靓仔呢个名），跟住讨价还价，晤使2分钟就交易了，虽然个mm的朋友不停甘提醒区，话我不过系只杂种松鼠，又容易整乌糟，但mm都立定心水要左我，我林呢D就系缘分啦挂，就系甘呢个叫小于的mm就做左我妈咪了。
之后妈咪买左好多我用的架撑带我返屋企，系车度个阵我无同妈咪个朋友买的其他兄弟姐妹甘困系个大笼度，而系妈咪抱住我，区一路摸住我同我讲我以后个名就叫靓仔，以后会好好照顾我，叫我听话之类。虽然我好想辩驳下我其实系靓女，但系区都听晤明。哎~~ 人地话D人通常自己缺少么野就会同宠物起咩名，都好庆幸妈咪晤系咩财迷，无帮我起个旺财之类的老土名。 ---- 靓仔~靓仔~我爱你哩~ 啦~啦~啦~啦~ 
望咩啊,未见过靓仔啊?! 
|
|
[关闭][返回] |