发信人: fion96143(豬事丁)
整理人: erinfang(2002-11-06 00:48:31), 站内信件
|
前晚同jm小聚之前買左個電香薰爐，買呢個爐主要係因爲我改變左瞓覺時間，呢排未習慣，經常瞓吾著，瞓吾好。小聚嘅時候講起，幾位有點香薰習慣嘅jm都話薰衣草對睡眠確實有幫助，小遠仲教我用薰衣草+香橙可能效果更好。
於是我瞓覺前按照小遠教嘅，點左薰衣草+香橙精油，因爲怕水燒幹，我將燈調到最細。熄燈前睇書嘅時候，并吾覺得好眼瞓，但係確實有覺得周身都放鬆左。瞓覺嘅時候問題依然存在，瞓吾著而且吾熟，但係雖然睡眠時間吾長，第二日卻好精神，睇黎佢幫助人放鬆呢方面對睡眠質量有幫助。起身嘅時候睇過個爐，發現我多慮嘞,d水仲有好大一碟，有排未幹。
尋晚我重手一d，係瞓覺前1個鍾已經點起個爐，將窗關好，燈開到最大，然後瞓覺前先打開個窗，將燈開到一半。今次瞓覺明顯熟好多，而且足足瞓夠8個鍾先醒，仲有少少瞓黎頸：（醒嘅時候水差吾多燒完，算係岩岩好。
感覺：精油係有一定功效嘅，尤其係幫助人放鬆方面，當然一部分可能係心理作用，不過心理作用都係作用阿:) 不過，有樣野我覺得幾煩，就係有盞燈開住瞓覺，我有d吾慣！有條件我一定要買果個無燈無火香薰爐！
|
|