|
发信人: qoolee-(朱Qoo力) 整理人: erinfang(2002-08-01 10:18:51), 站内信件 |
負離子直髮近兩年熱遍港日髮型界，雖然打救好多天生鬈髮人士，不過在頭髮造型上就有一定程度限制，髮質會變得好「塌」冇彈性，難以Set髮；而且頭髮望落雖順滑，但摸落「鞋」手兼傷髮。最近日本新興「纖髮」護理，專針對修復天生蓬鬆鬈曲頭髮，能將鬆散、無理鬈曲、打結髮質重新改造，減去頭髮多餘蓬鬆感，頭髮順直得來唔似負離子直髮咁死板，兼且髮質夠彈性，點Set都得，符合家陣自然曲髮潮流。
做完纖髮護理，頭髮即見光澤，平日蓬鬆四散髮絲都順服晒。 親「髮」試過，做完Treatment頭髮摸落軟滑好有光澤，過成個禮拜，頭髮依然貼服順滑。不過大家唔好期望直髮效果好似負離子咁直板，但又乾又鬆髮質，做完就即刻聽話晒，唔再鬆散。雖然直髮持久度不及負離子，但護理過程需時短，一個鐘就搞掂，價錢亦較平，護髮功效又勝一般頭髮護理。而呢個Hair Treatment要到8月才全面在髮型屋推出，不過Hair Corner已率先引進，各位「鬆髮男女」可一試為快。 
◎◎步骤 先在頭髮均勻塗上護髮品第一劑，包上保鮮紙加熱15分鐘，然後沖水。沖水過程中會使用其獨有潤髮劑，辟除藥水氣味。 
再塗上護髮品第二劑等15分鐘，以清水沖淨。最後吹個靚髮就可以，整個護髮療程只需1個鐘左右。 
Fiole Cysteine Wave TX纖髮護理系列，當中含Cysteine半胱氨酸，係構成頭髮強度及彈性主要蛋白質成分，具修補受損秀髮功用。不過曾漂染及嚴重受損髮質則效果不顯著。 
專業髮型界顧問Jack繼負離子直髮後，再度首次將日本新護髮技術引入香港，佢形容纖髮護理美髮功效為「做10次Facial不及做一次換膚」，呢個Treatment可以一次過供給頭髮所需營養及水分，柔髮效果至少Keep到個幾月。 收費：$450~$600（視乎頭髮長短而定） ---- 
^Q^朱Qoo力~Qoo~~ |
|
[关闭][返回] |