|
发信人: andymax(阿摩尼亚打罗友) 整理人: supraboyqd(2002-08-20 11:02:38), 站内信件 |
| 响广州哩个甘古老噶城市，佛寺认真唔少，教堂都好多，不过道观就少D，特别电视上面噶茅山道士噶道观似乎无添，将就D啦，去晒所有噶寺院同教堂，有么法宝都罗晒来用先，多样野旁身点都好D噶，于是乎，一个朝早，一个下昼，收集佐成堆东西，有八卦镜啦，观音像啦，符咒啦，十字架，佛珠……基本上有得卖噶都买晒番来。
晚上7点钟，约佐RED响琴晚闹交噶地方见面，不过条友仔就迟迟都没蒲头，到将近8点半噶时候，先见到他昂居居甘样行过来。 “喂，七头，玩野呀，甘X耐先过来，系米唔想赚钱先？” “掉，头先有D淋渖野，迟少少遮，使唔使渣晒刑呀。” “咩淋渖野？” “唔多清楚……” “扑街仔玩野呀，喂，做咩成口酒除噶？” “掉，我都未讲完……你知啦，我住同和噶，出来肯定经过金盘岭隧道，就头先揸车来噶时候，经过果条隧道，本来应该好多车行噶嘛，但点知道行晒成条隧道甘制，都竟然没其他噶车，而果阵我岩岩同人吃完饭，饮多佐几杯，个头WINWIN地，米没甘集中精神甘样开车，突然间部车弹佐一弹，系压住D野噶果种弹法，我米即刻停车望下咯，点知道周围么都无，不过果条胎就有好明显噶痕迹，果阵个心寒佐下，有D不祥噶预感，所以即刻走人，点知道去到天河北噶时候，竟然爆胎，当其时好牙烟，不过好彩，没受伤，但我觉得今日心神恍惚，似乎有D唔妥……系啦，你到底要我做么先？拿，讲明，犯法野我唔做噶，就算我而家失业都甘话。” “得啦，男人老狗甘长气，犯法野D甘赚钱噶行业几时轮到我同你去做呀，有噶话我地都唔使甘霉啦，多余。” “甘又系，到底搞咩先？” “拿，台面上架餐齐晒，有眼睇啦。” “哇，做大戏呀？喂，我唔惦噶波，我哩地粗人。” “么你觉得哩地似大戏咩？捉鬼。” “捉咩话？耳聋，听唔清。” “顶你呀，捉鬼呀！！鬼呀！！！会飘下飘下果D呀。” 啊RED听完我讲噶野之后，面色突然发白，跟住罗起他顶摩托安全帽，准备走人。我即刻拉住他讲：“喂，搞咩呀你，松人甘贱格？” “你都系用200蚊请民工啦，我认衰仔，唔够胆赚你D钱。” “点解？你以前米成日吹水话唔怕噶咩。” “以前还以前。” “你系米甘样先？真系甘衰仔，老友都唔帮？” “唔系唔想帮，而系唔够胆帮。大佬，你俾我走啦，我响度米盏拓手楞脚，我好惊鬼鬼怪怪噶。” 听完RED近似哀求噶说话后，原先把几火噶我终于冷静落来，放开他只手，由得他离开佐。 “掉那星，正一七头无胆匪侣。” 没办法之余，惟有咩起成袋野，去到肥佬胜做野噶地方。 …… “仲要等几耐？而家都成11点啦。” “好心你唔好甘心急啦，11点半我清场，12点先去，不过你D野使唔使得噶？” “如果果D野都唔使得，我没乎啦，全部都系去D寺庙求番来噶，应该没问题。” “唉，希望啦。” ※ ※ ※ 23：20分，肥佬胜开始打佯，尽管D顾客好唔理解，不过最后D人都走得七七八八。 23：45分，大排挡完全收档，肥佬胜吩咐他噶老婆同工仔守响大排挡门口，唔好比D闲杂人员进入后巷厕所度。 23：50分：我同肥佬胜各揸住两支大电筒，行入黑妈妈噶后巷度。 后巷真系好阴森，地下又湿，而且发出阵阵恶臭味，空气夹杂住厕所除同臭水沟发出来噶除，好难闻，而且地下鸡毛、鹅毛成地都系，又有血水流过，总之一句，好污糟。 血腥，当其时我噶第一感觉就系甘样，其实我都好多时候唔明白自己做紧咩，好疯狂噶一个人，读书噶时候同人打交，劈友，老粒饭饭齐，出到来做野，3日打渔两日晒网，D正经野一于好少理，搞埋晒D唔等使噶事情，兼且乐此不疲。上次去埋晒D山卡拉玩，好彩执番条命翻来，誓神劈愿甘样话以后唔再去，但之后没一个月，同样噶地方又出现同样噶身型。 暴力，嗜血，疯狂，每一种都能代表我。面对可能唔系人噶野，竟然充满期待，尽管害怕，但好奇欲望加野心充斥内心，手里紧握武器，越来越兴奋。 “肥佬胜，你唔好成日扑住我脖头啦，好热噶。” “我……我……你……” “做么呀你？” “把锁……” “把锁做咩呀？” “头先我明明锁住噶，而家竟然没佐，好得人惊。” “系咩……罗个袋来……罗个袋来呀，唔好成碌木甘样啦！” “拿……我响度等你，我实在唔够胆入去，我觉得而家只脚软晒，没力入去。” “掉那星，无胆匪侣。” 虚掩住噶门好容易就可以推开，不过甘样只会平添更恐怖噶气氛，玩得太多《生化危机》，始终唔中意果种好慢好慢噶开门方式，于是我一脚踢开栋厕所门，高举佛珠、十字架、道符，大声喝道：“出来，唔好响度扮鬼扮马。”讲完之后即刻用相机连续拍照。 乱来一轮之后，厕所里面并没有任何反应，墙上面都没见到咩所谓噶公仔，一切似乎都好正常，不过我噶心越跳越快，因为有一种感觉，就系对方并没离开，而系藏匿响厕所某个地方。 根据资料介绍，通常响D污糟邋遢噶地方，阴气会好重，好容易出现某D唔应该出现噶野。而哩地阴气甘重噶地方肯定有一个最重阴气噶地方，既然见唔到对方，从另一个角度讲，肯定系怕佐我手头上面噶野，估计都系，所以先匿埋唔出来。 本来好惊噶心情，变得开始大胆起身，于是乎一只公慢慢甘样行入去厕所里面，真系好臭，简直就透唔到气哦甘制，好难顶。 24：00正。我一个人企响哩个厕所里面，并没任何奇怪噶事情发生，不过我噶心始终都系唔安定，咩原因呢？事情肯定唔会甘简单。 24：03分，所有厕格都检查过晒，根本没任何东西响度，按道理肥佬胜唔会讲大话噶，唔通他睇错？出去问下他先。 厕所外面，肥佬胜正匿埋一边及及下，个样好鬼猥琐。 “喂，衰人，里面咩都没莴。” “唔系挂？” “真系噶，唔信你来望望。” “米搞。打死都唔去望。” “生人唔生胆，都话里面咩都无咯。” “但点解把锁唔见噶？” 的确，点解把锁会唔见呢？头先并没考虑哩个问题。 就响我响度思索紧噶时候，突然见到费佬胜发晒青光噶眼睛，只手指振下振下甘样指住我个头上面，响度抹大个口得个窿。 响我身后面，好凉好凉，好似开佐冷气甘样，当其时，我就已经知道有D唔岩噶野来佐，后面传来一把女人声：“你有事情稳我呀？” 激动、害怕、刺激、吃惊，好矛盾噶心情变化，其实一句话，已经咩都霖唔到，只脚唔知点解，又郁唔到，足足10秒钟之后，先跳到靠近肥佬胜噶身边，面对面甘样望住D唔应该见到噶野。 不过出奇噶系，亲眼望见对方噶时候，竟然又唔觉得好惊。 对方系一个……唔知道点样形容噶好，公仔？肯定唔系，少女？但身材都几成熟，女人？又带有一种少女噶羞涩。其实都几可爱，之但系，最离谱噶就系对方系飘下飘下噶，除佐哩样之外简直PERFECT。 “唔该，你稳我咩事呀？”靓女问到我又点好意思唔回答呢，于是乎求其是但乱X甘讲：“系呀，我系XX周刊新闻记者，最近想扑D可以刺激市道噶猛料，所以好希望你可以帮下我手，讲述下你而家噶生活习性，日常起居饮食，平时有D咩消遣，兼且仲想问下你而家有没男朋友添。” “估唔到，人死佐之后，竟然都要面对哩地甘无厘头噶人，好对唔住，你问噶问题我全部都唔会答你。” “小姐，你唔好甘样对我啦，我好辛苦先稳到你，帮手做篇访问啦，我唔想失业呀，不过可能你唔会知道，失业噶果种滋味系点样噶啦，真系非常唔好受噶啦。” “唔该……借过。” 对方指住我手里面罗住噶果D符咒、佛珠之类噶东西，讲：“你噶哩地野阻住我出门口，唔该你罗开少少好唔好。” “哦，好呀，阻住你真系唔好意思。” “哼哼，你哩个人真系几得意，话比你噶朋友知道。”她指佐指昏佐响地下噶肥佬胜，“以后11点半唔好锁门啦，尽管我可以好方便出入，但见到D客人要跑去D甘远噶地方如厕，我个心都好唔安乐噶，总之我以后唔会甘随便响人面前出现噶啦，叫他放心啦，果阵因为我仲细，么都唔识，控制唔到我自己，先比他同D客人见到，搞到甘多野出来，总之以后咩人都唔会甘容易见到我噶啦，放心啦。我出去啦。” “甘样……” “咩呀？” “甘样我想见你噶话，点样先得呀？我想采访你呀，唔该啦，不如甘样，大家做个交易，你比我采访，我帮你完成心愿，好唔好？我觉得你甘后生，肯定好多心愿未了噶，点样？公平吧？” 对方思索佐一阵间，讲：“想见我噶话，来哩度，我会出来，至于交易，我的确有两个心愿未了，如果你帮到我噶话，我会报答你噶，不过你真系一个几特别噶人，至少我而家开始对你有兴趣了。” 尽管我对靓女好商与，不过听到话开始有兴趣哩句话之后，未免有D毛骨悚然，“多谢晒，我……我都系走啦，唔……唔佐住你休息啦” 于是乎我急急脚甘样拖住肥佬胜行出果条阴森噶后巷，响我回头望噶时候，对方已经消失得无影无踪。 24：30分 被我淋醒噶肥佬胜不断抽缩，我将件事讲他知道后，他终于了解到自己噶处境，开始大叫话要搬档口，听日即刻搬走。 凌晨1点半 我番到自己噶狗窦，冲佐个凉，洗佐个头，慢慢回顾头先发生噶事情，有好多以前霖唔明白噶事情而家似乎有佐D眉目，或者以后可能仲会有埋答案，几令人期待。 ---- 
好劲嘎哑铃呀～ |
|
[关闭][返回] |