发信人: fion96143(豬事丁)
整理人: erinfang(2002-07-26 11:07:40), 站内信件
|
因爲我比較怕生，所以溝通得最多都係同台幾位JMXD，講下自己印象，等冇去嘅版友都認識下佢地啦
從我右手開始：
小遠：雖然中途走左，但係覺得小遠講野斯斯文文，傾開又好健談，好恰到好處啊，書卷氣十足，符合編輯嘅身份，記得以前有位JM講過，同小遠講野好似涼風拂面，我都有咁感覺
CHITTY:其實CHITTY氣質好似我一個高中大學同學嘎，高高瘦瘦，著住好別致好蝦人著嘅一條裙，身材又好到可以將條裙著得好好。仲有呢，CHITTY雖然仲細過我，但係好關心人好似大姐姐咁嘎，尋晚食飯我地旁邊D人野食未黎，佢就將自己嘅雞扒切開分比我地食，好感動啊
BBH：BBH同CHITTY岩好係一動一靜，講起野黎一輪嘴嘎，同佢傾計吾憂悶場，感覺好熱力四射好豪爽嘅MM，而且。。。BBH對腳真係殺死人啊，身材FIT到漏油，一D多餘脂肪都冇，見到佢我惗起江角真紀子。
BB:感覺BB係果種好自然好直爽嘅女仔，佢著衫好型啊，完全冇化妝，皮膚好到令人妒忌咁紅粉菲菲，又白又滑，見到佢我就知咩係青春無敵。而且BB爲人好大方，明明上去玩遊戲，無論輸贏就有獎品羅，佢都將最後一個玩遊戲機會讓比我同豬豬，美版JM真係冇得頂啊。仲有啊，BB對手好柔軟，好白，手指好長好細好靚啊，一見難忘。
妞牛牛：牛牛面圓圓嘅，皮膚睇起身好好，笑起身非常燦爛，樣子係好惹人好感嘅類型。另外牛牛氣質非常好，有知性美嘅感覺，記得佢上臺玩遊戲嘅時候，一個人企出去壓得住場嘞。最後，呵呵，牛牛嘅新髮型好正啊，又YEAH又有女人味，我留長左頭髮又要電:P
豬仔包：豬仔包可算人如其名，細細個紮條辮仔，好可愛咁樣，連著衫都係T-SHIRT短裙，非常CUTE，5555555，同佢相比我好老：（ 豬仔包好健談幽默嘎，我地台好多笑聲都由佢引發嘅，佢同CHITTY玩估字遊戲搞到全場大笑，呵呵，其實豬仔包最可愛係佢估吾出字果時，眼仔碌碌，好迷茫嘅樣。
蜜糖豬：其實我見到豬豬個樣好意外嘎，點解咁淑女嘅，都吾似佢簽名只黑豬。。。恩，其實講起身豬豬都幾好傾嘅，幾好動嘅，中意羅住部相機四圍影人，而且豬豬好痴人嘎，會好親熱咁同我地一齊坐，可能係同類3分親啦，感覺好似我識嘅一個妹妹咁。尋日貓貓幫豬豬化左個好SHARP嘅藍眼妝（偏心！）顯得豬豬對眼更加精靈嘞，豬豬笑起身好燦爛嘎，我影左佢一張靚相，你地叫佢貼出黎啦：）
竹野仔：呢個大只佬岩岩黎嘅時候有D怕醜，連擺個招牌大只佬POSE都吾肯，但係玩起遊戲就幾放，比我地畫綠指甲都制。熟左發覺佢其實幾可愛嘎，好多野傾，同我D悶人都有好多野講，内容包括專業八級，留學。。。甚至我地玩香水版仔佢都好有興趣，呵呵。佢話自己個樣好細個喔，我地睇，確實係播。。。幾歲啊？一講，車，事實係好細個啊嘛，認真厄稱
童童：童童你地睇相都知係靚女啦，好耀眼嘅一個女仔，言談舉止都好内秀，好有女人味，但係玩起身又玩得。童童全身打扮都好別致嘎，果然係專業人士水平。我覺得童童對扮靚嘅各方面好有研究羅，我地學到好多野，譬如佢尋晚就教我地幾個初哥分辨香水質量，獲益不淺啊。P.S.原黎大只佬同童童係校友黎嘎，尋日同場加演左場校友相認，世界真係細了
我文字表達一般，大致淨係識寫成咁嘞，其實尋日我見到嘅男仔女仔，個個都有自己特色，好熱情好NICE，所以我地一玩就可以玩得好埋，希望下次聚會可以多D人參加，等我識多D JMXD，美版~~~~~~~`
|
|