发信人: lrf0912(广西仔)
整理人: ashleyliu(2002-07-16 17:09:51), 站内信件
|
睇到依个题目千祈唔好以为我要写乜咸湿文章，而系想讲下依两日我同我拍档讨论都最多0既问题，就系关于享佛山搞唔搞暂住证0既问题！依排佛山对工地0既地毯式大规模安全检查，前两日就检查到我所负责0既工地！没收佐成十个工人0既身份证，第二朝晨早流流工人就叫我去派出所交钱领返，并且要求我地尽快补搞暂住证，而第二日5个工人出去影相准备办暂住证，路上又挨某村治安拉佐！每人罚佐一旧水！冇办法啦，享人地0既地头受人地管制系好正路0既！冇计，只有老老实实为工人（大部分都系清远0既）办佐暂住证，四五十个工人唔见佐几支虾啊，DLS！
同都一齐搭档0既两个同事都系广州人，一个系建设二马路，一个系新市萧岗0既！0甘大个仔从黎都唔使办过暂住证、未婚证及劳务证等诸如此类0既野！并唔系出唔起依几十蚊鸡，更何放办依D证公司都帮报销一半，而系唔服依啖气！事关我地经常来来回回两头走，当我地依D三日两头到0既“家伙”，有乜理由享佛山要搞张暂住证？我唔信D国家领导或者省领导黎佛山检查工作都办佐暂住证！我同事就话，假如保安Cheak到就裸张车票俾距LOOK LOOK ！依个办法应该掂当！问题系假如我地三个两日都冇人返广州大家都冇车票，真系Cheak到我地0甘就黑仔咯！
搞？唔搞？真系要搞？唔搞！！！
|
|