|
发信人: michaelgz(米高佐住) 整理人: swearl(2002-06-30 09:53:41), 站内信件 |
| 某日路过九龙某机室，望见里面有台绝迹以久的打鼓机5代，而且走到成身大汗，干脆走入去叹空调，顺便打2铺鼓。
排左几轮，终于轮到我。一坐落就看到鼓机旁边贴住张鬼死甘醒目既大字报：请爱护鼓机，不要疯狂敲击鼓机，损坏照价赔偿！ 我打得好细力，但套鼓机实在残得可以，鼓皮都磨烂晒，轻轻打落去都砰砰声。只脚踏就更加啦……不过都算几好反应，耐唔耐一两下无反应。 三首正常歌之后，好正常甘就出现左个extra stage，只死人 fireball 鬼死甘多脚踏要踩，自然就踩到bang bang声噶啦……唔单止围观同志多，连卖银个事头婆都走埋过黎…… 当然，fireball呢D甘低难度既歌，好快就S埋……跟住就encore stage，好鬼难，又乱，打到拆屋甘款最后都系死左…… 跟住人都散晒。个事头婆就左埋黎…… 事头婆：啊生，点解你打得甘狼噶？ 我：靓女，你都见个画面噶啦，乱成甘，点到你唔狼啊？ 事头婆：甘你唔玩呢只歌米得咯。 我：（汗）姑娘啊，呢D野唔到我控制个啵，打得好就自然出黎噶啦…… 事头婆：（冲口而出）甘你唔好打得好米得咯…… 我：（差D晕低）大姐啊~比得钱玩就梗系要尽力玩到最好噶啦，唔系鬼对得住我果几文咩…… 事头婆无语，好担心甘就返去卖银 跟住我继续……今次我听事头婆话，选几只点打都无S既歌黎玩 第一只：hypnotheque 过左……不过过得好激，事头婆傻左…… 第二只：centuar 过埋……红血……咔咔 第三只：100秒 唔使问一定过唔到啦…… 拉闸完之后，个事头婆好鬼担心甘走埋黎，塞左20文落我手度 我好惊奇，心想：哇！打得差都有钱派啊？ 跟住个事头婆出声啦：啊靓仔，我比番钱你啦~你甘打法迟早机都烂埋，你去过第间打啦~ 我：………………………… 跟住我就甘走人……其实应该都算有赚啦，叹完冷气，打埋鼓，仲有钱派……可惜我都唔记得左间野系边……唔系下次再去过…… ---- 
|
|
[关闭][返回] |