|
发信人: jianqin_guan(Christol) 整理人: cutecat(2004-03-23 07:36:54), 站内信件 |
|
因为我老窦以前系国内系做美容器材生意， 我地一连几界0既美博会都有参加，所以我就有少少关于美博会0既经验。 美博会一般都连开4日，而且其中有两日系周末， 而一般D摊位都会系咧两日里面搞最多现场美容美发表演， 有D系请专业model£¬但好多都会系现场稳观众示范， 所以如果有耐性0既JM可以系果度等下，好可能可以免费有顶级师傅操刀。 咧D表演通常系上午10点以后开始，4点左右结束，不过缺点系人超多。 D美容院会即场做各种示范，甚至乎系推脂，减肥机同做双眼皮。 场内老实讲£¬国际牌子实在唔多，好多都系D国内名不经0既厂仔， 其中都会有D国内比较响0既牌子，同埋一D中外合资0既品牌， 系展览其间会搞促销同优惠。 我觉得比较值得一睇0既系一D日本化妆品代理商， 有好多0既日本化妆品同美容品， 不过多数都系想稳D地方代理和者合作夥伴，所以一般唔设零售， 但如果等到last day拒0地懒得搬货走都有可能现场散货。 另外仲有D台湾0既化妆品品同配件厂都好多正野执， D镜仔梳仔同化妆袋之类0既野做得好精致，越到散场就卖得越平， 另外觉得系果度买化妆扫都几抵，毛质唔错0既一套十几廿支都系几十到百几。 我以前亦试过系D外地芦荟种植场0既摊位买到D好大条0既新鲜芦荟。 总结来讲系一般越到临尾D野越平，同埋逛0既时候一定要有耐性， 好多时无意中会发现到D惊喜，仲要有好0既方向甘， 因为交易会D场真系好容易荡失路。一楼大堂度会有指示牌， 列晒店名同档号，JM们可以记抵有兴趣0既牌子，然后按图索骥， 甘就比较保险，而且场内都有场刊卖。不过可读性唔高。 如果好彩0既话，都会见到D明星仔来做宣传，我以前就撞过吕颂然之类。 不过咧D都系两界以前0既资讯，唔知会唔会OUT左D， 我就希望各位执到D岩心水0既野啦。 ----  alt=http://photos.gznet.com/photos/1000808/1000808-NdrP!EJvnoImLQ375b1M92w3jcKerV.jpg>
和和，一幅好衬咧个版又好衬我性格0既自画像。。。。 |
|
[关闭][返回] |