发信人: hsinny(豁然开朗的猪)
整理人: cutecat(2002-05-17 02:50:43), 站内信件
|
同BF相识系QQ，呵呵，个时用既系唔系而家既QQ，而系PCICQ，个ICON好得意嘎，系只好可爱既牛。距加我为好友其实系一次误会，个时距系公司做野，好无聊，问距同
学随便拿左个女仔既QQ号码……而个女仔既名系simmy。但唔知点解，距稳唔到个个
女仔，但系就稳到我，我个名系sinny，所以距以为我就系个个女仔，第一句就问我：
你系唔系叫simmy啊？呵呵，我话唔系呀……跟住，就无咩理呢个人……不过后黎系资
料度发现，距都系中大个啵，呵呵，就甘倾起计黎。当时系网上，真系pure过pure，
同距净系交流下读书方面既心得（哈哈，好搞笑，距净系教我衰野，又话咩课唔使上
啊，咩老师唔好啊，甘），系我心目中，距只不过系一个师兄。
后黎，我部电脑坏左，唯有去阿爸办公室上网，我写信话距知我电脑坏左，所以无得
上网啦。仲随口话你过黎帮我修啊……距竟然回信话，师妹叫到，肯定得啦。呵呵，
当时有少少感动。但系，因为我上网唔耐，对网上认识既人都系有戒心，无理由叫个
唔识既人去屋企嘎，所以，当然系无叫距帮我修啦。于是一个月无上网……
再后黎，个时好似菠萝批新出，我又为食，所以系甘倚叫距请，距竟然好爽快甘应承
左。时间：4月1号下午3点，地点：中大对面既M记。呵呵，约个时都唔省起4月1号系
愚人节添……搞到约完以后，我几惊比人玩……即刻打电话比距，问，今日愚人节
啵，系唔系真系出黎嘎？哈哈，点知原黎距都唔记得。哈哈，反而问番我，点啊，系
唔系嘎，唔好玩我啊。跟住见面，点知个日系星期日，个间M记好多人，唯有坐车去第
度，连续稳左三间M记，等左好耐，先有位……期间，有讲有笑，气氛融洽。
跟住后尾我地一共见左5次之后既某一个晚上，系QQ度，距问我做距女朋友好唔好。呵
呵，就甘烧焦啦……至今，BF仲鬼甘得意甘讲，先见左5次面就搞掂左我……死问我系
唔系对距一见钟情……真系激死……早知唔甘快应承距啦……
|
|