|
发信人: swingchan(teardrop) 整理人: cutecat(2003-03-20 07:07:44), 站内信件 |
| 天然活膚雞蛋有法
雞蛋係一種高蛋白、高脂肪、高維生素及高無機鹽營養品，更蘊含天然食物中最優良蛋白質，所以在護膚功用上，一直被視為經濟又有效天然護膚材料。適逢復活節，雞蛋活膚順勢成為本月熱門美容話題，我從一班美容顧問、模特兒同扮靚友中，搜羅各種D.I.Y.鮮蛋活膚法，等你假期盡興過後，皮膚唔止唔會殘，仲會好似雞蛋殼咁滑添！ 雞蛋活膚 DIY 熟蛋按面增強肌膚彈性 溫熱、剛煮熟雞蛋肉質柔軟及極富彈性，係按摩皮膚上乘用料。先潔淨、抹乾面部，將暖雞蛋在臉上滾動，從額頭、兩眉、鼻、面頰、嘴順肌肉紋理打圈式按摩，直至雞蛋冷卻為止。最後以冷毛巾敷面幾分鐘，熱按可增強血液循環，冷敷則能收縮毛孔，一開一合令皮膚更有彈性同光澤。而且雞蛋清內蛋白質可以通過毛孔直接被皮膚吸收，補充皮膚所需養分。 蛋白洗面 卸妝去死皮 將蛋白由下巴向上塗勻全面，等15~20分鐘，再用溫水沖淨，會發現面上化妝殘同油垢可全部退去，同時Feel到皮膚好滑添，一次過潔面同落妝，夠晒方便。 想去死皮，可以將1隻雞蛋打散再加入1茶匙幼鹽，搽上皮膚打圈按摩，用法等同磨沙膏。磨完後皮膚唔會乾，反覺滋潤。 飲醋蛋液 皮光肉滑 港人愛飲滾水蛋養顏，台灣人就鍾意飲蛋醋去斑。做法係將1隻新鮮雞蛋洗淨，放入500ml白醋內浸1個月。每天取1小湯匙蛋醋溶液混和1杯清水飲用。聽講長期飲可以去除面上黑斑，令皮膚細緻光滑。 蛋黃蜂蜜漿 治暗瘡粉刺 1隻蛋黃、1湯匙蜜糖加1湯匙粉，攪拌成糊狀，均勻塗上面敷20分鐘後洗淨便可，既可治療暗瘡粉刺，亦可滋潤乾燥皮膚。而油性皮膚則建議加1茶匙檸檬汁，有去除多餘面油作用。 將1隻雞蛋打散加入適量牛奶，調成漿狀，每日敷面15分鐘。只要敷足3個月，包你皮膚又嫩又白。 檸檬蛋白面膜 淡斑去印 1隻蛋白加入5滴檸檬汁，敷面15分鐘，具減淡雀斑、黑色素功效，油性皮膚尤其適用。 蔬菜蛋白面膜 滋補養顏 將4片紅蘿蔔、1片青瓜放入攪拌器打碎，隔汁取茸，然後加入1隻蛋白，敷面及頸部15分鐘，每日可敷，任何皮膚都做，具滋潤保養、改善皮膚粗糙功效。 雞蛋美容資料庫 1用蛋白敷面時，記得唔好做任何面部大動作如笑、叫喊等，否則好易出皺紋，護膚變成害膚。 2蛋白雖然有緊膚作用，但由於佢會大量吸收水分，所以乾性皮膚不太適用，非但不能滋潤，仲會乾上加乾。暗瘡性皮膚亦不宜敷雞蛋，因為會令暗瘡炎症擴散。 3如果單獨敷蛋白話，最長時間唔好超過1分鐘，在蛋白未乾前清洗，就唔怕會出現因皮膚缺水而引起敏感問題。 ---- 
|
|
[关闭][返回] |